നിയമസഭാ തെരഞ്ഞെടുപ്പോടെ കോണ്ഗ്രസ് കേരളത്തില് തിരിച്ചെത്തണമെന്ന് താന് പറഞ്ഞതായുള്ള വ്യാജപ്രചരണത്തിനെതിരെ മുന് എം. പി-യും നടനുമായ ഇന്നസെന്റ്. ആറ് പതിറ്റാണ്ടോളം ഇന്ത്യ ഭരിച്ചതിനു ശേഷം സ്വന്തം കൈയ്യിലിരിപ്പു കൊണ്ട് ഏതാനും സംസ്ഥാനങ്ങളിലൊതുങ്ങിയ കോണ്ഗ്രസ് തിരിച്ചു വരണമെന്ന് താന് പറഞ്ഞിട്ടുണ്ടെങ്കില് തന്റെ സാമാന്യ ബുദ്ധിക്ക് എന്തെങ്കിലും തകരാറുണ്ടാവണമെന്ന് ഇന്നസെന്റ് ഫെയ്സ്ബുക്ക് പോസ്റ്റില് പറഞ്ഞു. കരുതലിന്റേയും വികസനത്തിന്റേയും തുടര് ഭരണം ഉണ്ടാവണമെന്ന കേരളത്തിന്റെ പൊതുവികാരമാണ് തനിക്കുമുള്ളതെന്നും ഇന്നസെന്റ് വ്യക്തമാക്കി.
ഇന്നസെന്റ് എഴുതുന്നു:
ആറ് പതിറ്റാണ്ടോളം ഇന്ത്യ ഭരിച്ചതിനു ശേഷം സ്വന്തം കൈയ്യിലിരിപ്പു കൊണ്ട് ഏതാനും സംസ്ഥാനങ്ങളിലൊതുങ്ങിയ കോണ്ഗ്രസ് തിരിച്ചു വരണമെന്ന് ഞാന് പറഞ്ഞിട്ടുണ്ടെങ്കില് എന്റെ സാമാന്യ ബുദ്ധിക്ക് എന്തെങ്കിലും തകരാറുണ്ടാവണം.
എന്റെ പിതാവിലൂടെ എന്നിലേക്ക് പകര്ന്നതാണ് എന്റെ രാഷ്ട്രീയം. കരുതലിന്റേയും വികസനത്തിന്റേയും തുടര് ഭരണം ഉണ്ടാവണമെന്ന കേരളത്തിന്റെ പൊതുവികാരമാണ് എനിക്കും. അതില്ലാതാക്കാന് പച്ചക്കള്ളം പ്രചരിപ്പിക്കുന്നത് മാന്യതയേയല്ല.