ഓഡിയോ കാസറ്റിന്‍റെ പിതാവ് ലൂ ഓട്ടന്‍സ് ഓര്‍മ്മയായി

ആംസ്റ്റര്‍ഡാം: ഓഡിയോ കാസറ്റുകളുടെ കണ്ടുപിടുത്തത്തിലൂടെ സംഗീതാസ്വാദനത്തിനും കേള്‍വിശീലങ്ങള്‍ക്കും പുതിയ മാനം നല്‍കിയ ലൂ ഓട്ടന്‍സ്  ഓര്‍മ്മയായി.1960- കളിലാണ് ലൂ ഓട്ടന്‍സ് ഓഡിയോ കാസറ്റ് കണ്ടു പിടിച്ചത്. ഇത് സംഗീത ലോകത്തിന് പുതിയ വഴിത്തിരിവായിരുന്നു. ഫിലിപ്പ്സിന്‍റെ പ്രോഡക്റ്റ് വിഭാഗം തലവനായി 1960 ലാണ് ലൂ ഓട്ടന്‍സ് ‌ചുമതലയേക്കുന്നത്. ഇക്കാലയളവിലാണ്‌ ഓട്ടന്‍സ് നിരവധി പരീക്ഷണങ്ങള്‍ നടത്തി കാസറ്റ് രൂപകല്‍പ്പന ചെയ്തത്. 

1963-ല്‍ ബെര്‍ലില്‍ റേഡിയോ ഇലക്‌ട്രോണിക്‌സ് മേളയിലാണ് കാസറ്റ് ആദ്യമായ് പൊതുസമൂഹത്തിന് പരിചയപ്പെടുത്തുന്നത്. ആ കാലഘട്ടത്തില്‍ ഏറ്റവും പ്രചാരം നേടിയ ഉത്പന്നങ്ങളില്‍ ഒന്നായി കാസറ്റ്‌ മാറി. സിഡിയുടെ രൂപകല്‍പനയിലും ഓട്ടന്‍സ് ഒട്ടും കുറയാത്ത പങ്കുവഹിച്ചിട്ടുണ്ട് .1982-ല്‍ ഫിലിപ്സ് സിഡി പ്ലയര്‍ പുറത്തിറക്കിയതോടെ കാസറ്റുകള്‍ കാലഹരണപെട്ടുവെന്ന് ലൂ ഓട്ടന്‍സ് അഭിപ്രായപ്പെട്ടിരുന്നു.

സാങ്കേതിക വിദ്യയുടെ വളര്‍ച്ചയില്‍ കാസറ്റുകള്‍ക്ക് പ്രാധാന്യം നഷ്ടപ്പെട്ടുവെങ്കിലും, പുതിയ തലമുറയിലെ പ്രശസ്ത സംഗീതജ്ഞരായ ലേഡി ഗാഗ, ദ കില്ലേര്‍സ് എന്നിവരുടെ പുതിയ ആല്‍ബങ്ങള്‍  ഓഡിയോ കാസറ്റിലൂടെ വിപണിയില്‍ എത്തിച്ചത് വാര്‍ത്തയായിരുന്നു.1921ലാണ് ജൂണ്‍ 26-ന് നെതര്‍ലന്‍ഡ്‌സിലെ ഡ്യൂസിലാണ് ലൂ ഓട്ടന്‍സ് ജനിച്ചത്. വാര്‍ധക്യ സഹജമായ അസുഖങ്ങളാല്‍ ചികല്‍സയിലായിരുന്ന ലൂ ഓട്ടന്‍സ്, തന്‍റെ 94-ാം വയസിലാണ്‌ മരണപ്പെട്ടത്.

Contact the author

International Desk

Recent Posts

International

ചരിത്രത്തിലാദ്യമായി മിസ് യൂണിവേഴ്‌സ് മത്സരത്തില്‍ പങ്കെടുക്കാൻ അനുമതി നൽകി സൗദി അറേബ്യ

More
More
International

യുഎസിൽ ചരക്കുകപ്പലിടിച്ച് കൂറ്റന്‍ പാലം തകര്‍ന്നു

More
More
International

യുഎന്‍ രക്ഷാസമിതി ഗാസ വെടിനിര്‍ത്തല്‍ പ്രമേയം പാസാക്കി; അമേരിക്ക വിട്ടുനിന്നു

More
More
International

റിയാദില്‍ ലോകത്തിലെ ആദ്യ 'ഡ്രാഗണ്‍ ബാള്‍ തീം പാര്‍ക്ക്' ഒരുങ്ങുന്നു

More
More
International

ഈ ബീച്ചുകളില്‍ നിന്നും കല്ല് പെറുക്കിയാല്‍ രണ്ട് ലക്ഷം പിഴ

More
More
International

മോസ്കോയിൽ ഭീകരാക്രമണം: 60 പേർ കൊല്ലപ്പെട്ടു, 145 പേര്‍ക്ക് പരിക്ക്

More
More