പുതുച്ചേരി : പോണ്ടിച്ചേരിയില് തെരഞ്ഞെടുപ്പിനെ നേരിടാന് ഡിഎംകെ- കോണ്ഗ്രസ് സഖ്യം. കോണ്ഗ്രസ് - ഡിഎംകെ സഖ്യത്തില് കോണ്ഗ്രസ് 15 സീറ്റിലും ഡിഎംകെ 13 സീറ്റിലുമാണ് മത്സരിക്കുക. കഴിഞ്ഞ തവണ 21 ഇടങ്ങളില് മത്സരിച്ച കോണ്ഗ്രസ് ഇത്തവണ 15 സീറ്റിലേക്ക് ചുരുങ്ങി. 30 അംഗ നിയമ സഭയില് കേവല ഭുരിപക്ഷത്തിന് 16 സീറ്റുകളാണ് വേണ്ടത് .
ഇത്തവണ തെരഞ്ഞെടുപ്പിനെ ഒറ്റക്ക് നേരിടാന് ഡിഎംകെ തീരുമാനിച്ചിരുന്നു. എന്നാല് ഇപ്പോഴത്തെ രാഷ്ട്രീയ സാഹചര്യത്തെ മുന്നിര്ത്തി, കോണ്ഗ്രസ് -ഡിഎംകെ സഖ്യത്തില് തന്നെ തെരഞ്ഞെടുപ്പിനെ നേരിടാന് തീരുമാനിക്കുകയായിരുന്നു. ബിജെപിയോട് കടുത്ത മത്സരത്തിനിറങ്ങുകയാണ് കോണ്ഗ്രസ്-ഡിഎംകെ സഖ്യം. കൊഴിഞ്ഞുപോക്ക് പാര്ട്ടിയെ ദുര്ബലപെടുത്തുന്നുണ്ടെങ്കിലും, ശക്തമായ മത്സരം കാഴ്ചവെക്കാന് ഒരുങ്ങുകയാണ് കോണ്ഗ്രസ്.