ഇറ്റലി: കൊവിഡ് വ്യാപനം വീണ്ടും രൂക്ഷമാകുന്ന സാഹചര്യത്തില് ഇറ്റലിയില് ലോക്ക് ഡൌണ് ശക്തമാക്കുന്നു. സ്കൂളുകളും കടകളുമടയ്ക്കാന് തീരുമാനം. കൊറോണ വൈറസ് ഇറ്റലിയില് പടര്ന്ന് പിടിക്കുന്ന സാഹചര്യത്തിലാണ് പ്രധാനമന്തി മരിയോ ഡ്രാഗി ഇങ്ങനെയൊരു തീരുമാനമെടുത്തിരിക്കുന്നത്. എപ്രില് 3 മുതല് 5 വരെയാണ് രാജ്യത്ത് നിയന്ത്രണങ്ങള് ഏര്പ്പെടുത്തുന്നത്. ആദ്യഘട്ട വ്യാപനത്തില് യൂറോപ്പില് ഏറ്റവും കൂടുതല് മരണനിരക്ക് രേഖപെടുത്തിയ രാജ്യമാണ് ഇറ്റലി. ഇത് കണക്കിലെടുത്താണ് ദ്രുതഗതിയിലുള്ള രോഗവ്യാപനം തടയാന് ഇറ്റലി ശ്രമിക്കുന്നത്. തിങ്കളാഴ്ച്ച മുതല് രാജ്യത്തെ പകുതിയിലധികം സ്കൂളുകളും റസ്റ്റോറന്റുകളും അടക്കും .
രാജ്യത്തെ പുതിയ നിയന്ത്രണങ്ങള് ഈസ്റ്റര് വരെ നീണ്ടുനില്കും. ഈസ്റ്ററിനോടനുബന്ധിച്ചുള്ള ദിവസങ്ങളില് രാജ്യത്ത് റെഡ് സോണ് പ്രഖ്യാപിക്കുമെന്നും പ്രധാനമന്തിയുടെ ഓഫീസ് അറിയിച്ചു.
കോവിഡുമായി ബന്ധപ്പെട്ട് ഒരു ലക്ഷ്യത്തിലധികം മരണങ്ങളാണ് ഇറ്റലിയില് റിപ്പോര്ട്ട് ചെയ്തത്. ഇറ്റലിയില് കൊവിഡ് ബാധിച്ച് മരണമടഞ്ഞവരില് കൂടുതലാളുകളും 60 വവയസിന് മുകളിലുള്ളവരാണ്. യു.കെക്ക് ശേഷം യൂറോപ്പിലെ രണ്ടാമത്തെ ഉയര്ന്ന മരണ നിരക്കാണിത്. പ്രതിരോധ മരുന്നുകളുടെ ലഭ്യതക്കുറവുമൂലം കഴിഞ്ഞ ആഴ്ചയില് വാക്സിന് ഓസ്ട്രലിയ അടക്കമുള്ള രാജ്യങ്ങളിലേക്ക് കയറ്റി അയക്കുന്നതിനെ റോം തടഞ്ഞിരുന്നു.