കല്പ്പറ്റ: മുഖ്യമന്ത്രിയുടെ സംസ്ഥാന വ്യാപക തെരഞ്ഞെടുപ്പ് പ്രചാരണ ക്യാമ്പെയ്നിന് ഇന്ന് തുടക്കം. വയനാട്ടിലെ കല്പ്പറ്റ മണ്ഡലത്തിലാണ് മുഖ്യമന്ത്രിയുടെ ആദ്യ പരിപാടി. ജില്ലയില് മൂന്ന് പരിപാടികളിലാണ് ഇന്ന് പിണറായി വിജയന് പങ്കെടുക്കുക.
മാനന്തവാടിയിലാണ് ആദ്യപരിപാടി. രാവിലെ 9.30ന് വാർത്താസമ്മേളനം. 10.30ന് ഗവ. വൊക്കേഷണൽ ഹയർസെക്കൻഡറി സ്കൂൾ മൈതാനത്താണ് പൊതുയോഗം. ഇവിടെ നിന്ന് ബത്തേരിയിലേക്ക് പോകും. 11.30-ന് ചുള്ളിയോട് റോഡിലെ ഗാന്ധി ജങ്ഷനിലെ പൊതുയോഗത്തിൽ സംസാരിക്കും. വൈകുന്നേരം മൂന്നുമണിക്ക് എസ്കെഎംജെ സ്കൂൾ മൈതാനത്ത് നടക്കുന്ന കൽപ്പറ്റയിലെ തെരഞ്ഞെടുപ്പ് പൊതുയോഗത്തിനുശേഷം അദ്ദേഹം മടങ്ങും.
പ്രചാരണത്തിൽ എൽഡിഎഫ് ബഹുദൂരം മുന്നിലാണ്. മുഖ്യമന്ത്രിയുടെ വരവോടെ ആവേശമേറും. മാനന്തവാടിയില് ഒ. ആർ. കേളുവും ബത്തേരിയില് എം. എസ്. വിശ്വനാഥനും കൽപ്പറ്റയില് എം. വി. ശ്രേയാംസ്കുമാറുമാണ് എല്ഡിഎഫ് സ്ഥാനാര്ഥികള്.