കേരള കോൺഗ്രസ് നേതാവ് സ്കറിയ തോമസ് അന്തരിച്ചു. 65 വയസായിരുന്നു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. ഇടതുമുന്നണിയുടെ ഭാഗമായുള്ള കേരളാ കോൺഗ്രസ് സ്കറിയ തോമസ് വിഭാഗം നേതാവാണ്. കേരളാ സ്റ്റേറ്റ് എൻർപ്രൈസസ് ചെയർമാനായിരുന്നു. കൊവിഡ് ബാധിച്ചതിനെ തുടർന്ന് ചികിത്സയിലായിരുന്നു. കോട്ടയം ലോക്സഭാ മണ്ഡലത്തെ 1977 മുതൽ 1984 വരെ പ്രതിനിധീകരിച്ചിരുന്നു.
കഴിഞ്ഞ നിയമസഭാ തെരഞ്ഞെടുപ്പിൽ കടുത്തുരുത്തിയിൽ മത്സരിച്ചിരുന്നു. പിസി തോമസിനൊപ്പം കേരളാ കോൺഗ്രസ് വിട്ട് ഐഎഫ്ഡിപി രൂപീകരിച്ചു. പിസി തോമസ് ഇടതുമുന്നണി വിട്ടപ്പോൾ തുടർന്ന് പ്രത്യേക പാർട്ടി രൂപീകരിച്ചു. ഇക്കുറിയിലെ സീറ്റ് വിഭജനത്തിൽ കേരളാ കോൺഗ്രസ് സ്കറിയാ തോമസ് വിഭാഗത്തിന് സീറ്റ് നൽകിയിരുന്നില്ല.