കുറഞ്ഞ കാലം ഭരിച്ച കേരളാ മുഖ്യമന്ത്രിയും മന്ത്രിസഭയും ഒന്നല്ല!

Christina Mathai 1 month ago

കേരളത്തിന്റെ രാഷ്ട്രീയ ജീവിതം സംഭവ ബഹുലമാണ്. അതില്‍ ശക്തമായ പോരാട്ടങ്ങളുണ്ട്,‌ കൌതുകങ്ങളുണ്ട്, ആശ്ചര്യപ്പെടുത്തുന്ന വൈരുദ്ധ്യങ്ങളുണ്ട്, യാദൃശ്ചികതകളുണ്ട്. അതിലൂടെയുള്ള പ്രയാണമാണ് ഈ പ്രോഗ്രാം. 

 ഏറ്റവും കുറഞ്ഞ കാലം കേരളം ഭരിച്ച മുഖ്യമന്ത്രി ആരാണെന്ന് അറിയാമോ?

സംശയിക്കേണ്ട ചെറിയന്‍ കണ്ടി മുഹമ്മദ്‌ കോയ എന്ന സി എച്ച് മുഹമ്മദ്‌ കോയയാണ്. എന്നാല്‍ ഏറ്റവും കുറഞ്ഞ കാലം കേരളം ഭരിച്ച മന്ത്രിസഭ, സി എച്ച് മുഹമ്മദ്‌ കോയയുടെതല്ല. അതെങ്ങിനെ ശരിയാകുമെന്നായിരിക്കും അല്ലെ?

ചെറിയ കൌതുകമാണ്. പറയാം. 1979 ഒക്ടോബര്‍ 7 ന് പി കെ വാസുദേവന്‍ നായര്‍ മുഖ്യമന്ത്രി സ്ഥാനം രാജിവെച്ചതിന്‍റെ അഞ്ചാം ദിവസം അതായത് 1979 ഒക്ടോബര്‍ 12 നാണ് കേരളത്തില്‍ ഏറ്റവും കുറഞ്ഞ കാലം മുഖ്യമന്ത്രിയായിരുന്ന സി എച്ച് മുഹമ്മദ്‌ കോയ ഗവര്‍ണര്‍ ജ്യോതി വെങ്കിടാചലത്തിനു മുന്‍പാകെ സത്യപ്രതിജ്ഞ ചെയ്ത് അധികാരമേറ്റത്. സഖ്യ കക്ഷികളായ കേരളാ കോണ്‍ഗ്രസ് മാണി വിഭാഗവും ജോസഫ് വിഭാഗവും നവംബര്‍ മാസം മധ്യത്തോടെ തന്നെ പിന്തുണ പിന്‍വലിച്ചു.  അടിയാന്തരാവസ്ഥയെ തുടര്‍ന്ന് ഇന്ദിരാഗാന്ധിയുമായി ഇടഞ്ഞ്, സംഘടനാ കോണ്‍ഗ്രസ് എന്ന പേരില്‍ പ്രത്യേക പാര്ട്ടിയുണ്ടാക്കിയ ശരദ് പവാര്‍ ഉള്‍പ്പെടെയുള്ള നേതാക്കന്മാരുടെ കൂടെക്കൂടിയ ഏ കെ ആന്റണിയും കൈവിട്ടതോടെ മന്ത്രിസഭക്ക് ഭൂരിപക്ഷം നഷ്ടമായി. ഇതേതുടര്‍ന്ന്1979 ഡിസംബര്‍ 1 ന് കോയ മന്ത്രിസഭ രാജിവെച്ചു. ഒക്ടോബര്‍ 12 മുതല്‍ ഡിസംബര്‍ 1 വരെ  വെറും അമ്പത് ദിവസമാണ് സി എച്ച് മുഹമ്മദ്‌ കോയ കേരളം ഭരിച്ചത്. 

എന്നാല്‍ ഏറ്റവും കുറഞ്ഞ കാലം കേരളം ഭരിച്ച മന്ത്രിസഭ സി എച്ച് മുഹമ്മദ്‌ കോയയുടെതല്ല. പിന്നെയോ?

അത് കെ. കരുണാകാരന്‍റെതായിരുന്നു. പിന്നീട് മൂന്നുവട്ടം കൂടി മുഖ്യമന്ത്രിയായ സാക്ഷാല്‍ കണ്ണോത്ത് .കരുണാകരന്റെ ആദ്യ മന്ത്രിസഭയുടെ ആയുസ്സ് വെറും 31 ദിവസമായിരുന്നു. 1977 മാര്‍ച്ച് 25 ന് മുഖ്യമന്ത്രി സി അച്ചുത മേനോന്‍ രാജിവെച്ചതിനെ തുടര്‍ന്ന് അതേദിവസം തന്നെ ഗവര്‍ണ്ണര്‍ എന്‍ എന്‍ വാഞ്ചുവിനു മുന്‍പാകെ മുഖ്യമന്ത്രിയായി സത്യപ്രതിജ്ഞ ചെയ്ത് അധികാരമേറ്റ കെ. കരുണാകരന്‍ തൊട്ടടുത്തമാസം ഏപ്രില്‍ 25 നു രാജന്‍ കേസുമായി ബന്ധപ്പെട്ട ഹൈക്കോടതി പരാമര്‍ശത്തെ തുടര്‍ന്ന് രാജിവെക്കുകയായിരുന്നു. 1977 ലെ ഈ മന്ത്രി സഭയില്‍ അംഗങ്ങളായിരുന്നു പിന്നീട് മുഖ്യമന്ത്രി മാരായ പി.കെ. വാസുദേവന്‍ നായരും സി എച്ച് മുഹമ്മദ്‌ കൊയയും ഉമ്മന്‍ ചാണ്ടിയുമെല്ലാം. അഭ്യന്തര മന്ത്രി കെ എം മാണിയും വിദ്യാഭ്യാസം സി എച്ചും, വ്യവസായ വകുപ്പ് പി കെ വിയും തൊഴില്‍ വകുപ്പ് ഉമ്മന്‍ ചാണ്ടിയുമാണ് കൈകാര്യം ചെയ്തത്. ബേബി ജോണ്‍ ആയിരുന്നു റവന്യൂ വകുപ്പ് മന്ത്രി. കൌതുകങ്ങളിലെക്ക് അങ്ങ് കയറിപ്പോയി എന്നുമാത്രം.

ചുരുക്കി പറഞ്ഞാല്‍ ഏറ്റവും കുറഞ്ഞ കാലം കേരളം ഭരിച്ച മുഖ്യമന്ത്രി സി എച്ച് മുഹമ്മദ്‌ കോയയും ഏറ്റവും കുറഞ്ഞ കാലം കേരളം ഭരിച്ച മന്ത്രിസഭ ആദ്യ കരുണാകരന്‍ മന്ത്രിസഭയുമാണ്.  

Contact the author

Christina Mathai

Recent Posts

Web Desk 1 week ago
Assembly Election 2021

ബംഗാളില്‍ വിലക്കിനെതിരേ മമതയുടെ പ്രതിഷേധ ധര്‍ണ്ണ

More
More
News Desk 1 week ago
Assembly Election 2021

തപാൽ വോട്ട് വിവരങ്ങൾ കൈമാറണമെന്ന് യുഡിഎഫ് സ്ഥാനാർത്ഥികൾ

More
More
Web Desk 2 weeks ago
Assembly Election 2021

മുസ്ലീങ്ങള്‍ തൃണമൂലിന് വോട്ടു ചെയ്യണമെന്ന് മമത; തെരഞ്ഞെടുപ്പ് കമ്മീഷന്‍ നോട്ടീസയച്ചു

More
More
Web Desk 2 weeks ago
Assembly Election 2021

ഈരാറ്റുപേട്ട ചതിച്ചു, ബിജെപി പിന്തുണച്ചു - പി. സി. ജോര്‍ജ്ജ്

More
More
Web Desk 2 weeks ago
Assembly Election 2021

മമ്മൂട്ടി വോട്ട് ചെയ്യുന്ന ദൃശ്യങ്ങള്‍ പകര്‍ത്തുന്നത് തടഞ്ഞ് ബിജെപി

More
More
Web Desk 2 weeks ago
Assembly Election 2021

തെരഞ്ഞെടുപ്പില്‍ ചരിത്രവിജയമുണ്ടാവുമെന്ന് പിണറായി; യുഡിഎഫ് ഐതിഹാസിക വിജയം നേടുമെന്ന് ചെന്നിത്തല

More
More