കണ്ണും കണ്ണും കൊള്ളയടിത്താൽ എന്ന തന്‍റെ പുതിയ തമിഴ് ചിത്രത്തിന്റെ വിജയാഘോഷത്തിൽ വികാരഭരിതനായി ദുൽഖർ സൽമാൻ. സിനിമ തനിക്ക് ഒരുപാട് സ്പെഷ്യലാണെന്നും സംവിധായകനിലും ടീമിലും ഒരുപാട് വിശ്വാസമുണ്ടായിരുന്നുവെന്നും ദുല്‍ഖര്‍ പറയുന്നു. ചിത്രത്തിന്റെ സംവിധായകനെ വാനോളം പുകഴ്ത്താനും താരം മറന്നില്ല.
അണിയറ പ്രവർത്തകരെല്ലാം അത്രത്തോളം ആത്മാർത്ഥമായി പ്രവർത്തിച്ച ചിത്രമാണ് ഇത്. അതുകൊണ്ട് തന്നെ അതെല്ലാം സിനിമയിൽ പ്രതിഫലിച്ചിട്ടുണ്ട്. സംവിധായകന്റെ വലിയ കഴിവിനാൽ സിനിമ വർക്കൗട്ടാകുകയായിരുന്നു. അതുകൊണ്ടാണ് മറ്റെല്ലാം അത്രത്തോളം മികച്ചതായത്'- ദുല്‍ഖര്‍ പറഞ്ഞു. അദ്ദേഹത്തിന്‍റെ രണ്ടാമത്തെ തമിഴ് സിനിമയാണ് കണ്ണും കണ്ണും കൊള്ളയടിത്താൽ.
