ദിസ്പൂര്: അസമില് നടന്ന തെരഞ്ഞെടുപ്പ് പ്രചരണ റാലിയില് നരേന്ദ്രമോദിയെ പരിഹസിച്ച് കോണ്ഗ്രസ് നേതാവ് രാഹുല് ഗാന്ധി. 'നിങ്ങളോട് കളളം പറയാനല്ല ഞാനിവിടേക്ക് വന്നിരിക്കുന്നത്, എന്റെ പേര് നരേന്ദ്രമോദി എന്നല്ല, അസമിനെക്കുറിച്ചോ, കര്ഷകരെ കുറിച്ചോ എന്തിനെക്കുറിച്ചായാലും നിങ്ങള്ക്ക് നുണകള് കേള്ക്കണമെങ്കില് ടിവി തുറന്ന് നരേന്ദ്രമോദിയുടെ മുഖം നോക്കു, 24 മണിക്കൂറും അദ്ദേഹം ഇന്ത്യയോട് കളളം പറയുകയാണ്.'- രാഹുല് ഗാന്ധി പറഞ്ഞു.
അസമിലെ വോട്ടര്മാര്ക്ക് കോണ്ഗ്രസ് അഞ്ച് കാര്യങ്ങളില് ഉറപ്പുനല്കിയിട്ടുണ്ട്. ഞങ്ങള് ബിജെപിക്കാരല്ല, വാഗ്ദാനങ്ങള് നിറവേറ്റുന്നവരാണ്, കോണ്ഗ്രസ് അസമില് സര്ക്കാര് രൂപീകരിക്കുമ്പോള് എല്ലാ വാഗ്ദാനങ്ങളും നിറവേറ്റുമെന്നും രാഹുല് പറഞ്ഞു.
വിവാദ പൗരത്വ ഭേദഗതി നിയമം അസമില് നടപ്പിലാക്കില്ല, അഞ്ച് ലക്ഷം യുവാക്കള്ക്ക് തൊഴില്, എല്ലാ വീടുകള്ക്കും പ്രതിമാസം 200 യൂണിറ്റ് സൗജന്യ വൈദ്യൂതി, ഓരോ വീട്ടമ്മയ്ക്കും പ്രതിമാസം രണ്ടായിരം രൂപ വേതനം, തേയില തൊഴിലാളികള്ക്ക് മിനിമം 365 രൂപ കൂലി തുടങ്ങിയവയാണ് കോണ്ഗ്രസ് അസമില് നല്കിയിരിക്കുന്ന വാഗ്ദാനങ്ങള്. മാര്ച്ച് 27-നാണ് അസമില് ആദ്യഘട്ട തെരഞ്ഞെടുപ്പ് നടന്നത്. മൂന്ന് ഘട്ടങ്ങളിലായാണ് അസമില് തെരഞ്ഞെടുപ്പ് നടക്കുക.