ന്യൂസിലാന്‍റ് : മിനിമം വേതനത്തില്‍ പുതിയ പരിഷ്കാരങ്ങള്‍ ഏര്‍പ്പെടുത്തി ന്യൂസിലാന്‍റ് പ്രധാനമന്ത്രി ജസീന്ത ആര്‍ഡന്‍. പൗരന്മാരുടെ ചുരുങ്ങിയ വേതനം 20 ഡോളറായി ഉയര്‍ത്തി. ഇതിനോടൊപ്പം രാജ്യത്ത് ഉയര്‍ന്ന വരുമാനം വാങ്ങുന്നവരുടെ നികുതി നിരക്ക് 39 ശതമാനമായി ഉയര്‍ത്തുകയും ചെയ്തു.
വ്യാഴാഴ്ച മുതല്‍ ശമ്പള പരിഷ്കരണം നിലവില്‍ വരുമെന്നാണ് പ്രധാനമന്ത്രിയുടെ ഓഫീസ് അറിയിച്ചിരിക്കുന്നത്.
തെരഞ്ഞെടുപ്പ് പ്രചാരണ വേളയില്‍ മിനിമം വേതനം ഉയര്‍ത്തുമെന്ന പ്രഖ്യാപനമാണ് പ്രധാനമന്ത്രി ജസീന്ത ആര്‍ഡന്‍ പ്രാബല്യത്തില്‍ കൊണ്ട് വന്നിരിക്കുന്നത്. ന്യൂസിലാന്‍റിലെ മിനിമം വേതനം ലോകത്ത് അഞ്ചാം സ്ഥാനത്താണ് നില്‍കുന്നത്. കൊവിഡിന്‍റെ പശ്ചാത്തലത്തിലും എല്ലാവര്‍ക്കും മിനിമം വേതനം ലഭ്യമാക്കുന്നുണ്ട് എന്ന് ഉറപ്പ് വരുത്താന്‍ സര്‍ക്കാര്‍ പ്രത്യേക മുന്‍ കരുതല്‍ എടുത്തിരുന്നു.
