തൃശ്ശൂര്: സര്ക്കാരിനെ രൂക്ഷമായി വിമര്ശിച്ച് തൃശ്ശൂര് അതിരൂപത. 'എല്ഡിഎഫ് വരും, എല്ലാം ശരിയാകു'മെന്ന കഴിഞ്ഞ തെരഞ്ഞെടുപ്പില് ഇടതുപക്ഷം ഉപയോഗിച്ച ക്യാപ്ഷന് ഉദ്ധരിച്ചുകൊണ്ട്, എല്ലാം ശരിയായത് ചില നേതാക്കളുടെയും, അവരുടെ ബന്ധുകളുടെയും വീടുകളില് മാത്രമാണ് എന്ന് അതിരൂപത കുറ്റപ്പെടുത്തി. സമ്മതിദാന അവകാശം പാഴാക്കാതെ എല്ലാവരും ഉപയോഗിക്കുകയും, മത രാഷ്ട്രമുണ്ടാക്കാന് ശ്രമിക്കുന്നവരെ അകറ്റി നിര്ത്തണമെന്നും അതിരൂപതയുടെ മുഖ പത്രമായ കത്തോലിക്ക സഭയില് പ്രസിദ്ധികരിച്ച ലേഖനത്തില് പറയുന്നു.
പിന്വാതില് നിയമനം ഉള്പ്പടയുള്ള വിഷയങ്ങള് ഉള്പ്പെടുത്തിയായിരുന്നു രൂപതയുടെ ലേഖനം. ഈ തെരഞ്ഞെടുപ്പില് യുഡിഎഫിന് വോട്ടു ചെയ്യണം എന്ന പരോക്ഷ സൂചനയാണ് മുഖപത്രം നല്കുന്നത്. ബിജെപിയെയും, എല്ഡിഎഫിനെയും വിമര്ശിച്ചുകൊണ്ട് എഴുതിയ ലേഖനത്തില് കോണ്ഗ്രസിനെ പിന്തുണക്കുകയും ചെയ്തിരുന്നു.
മത രാഷ്ട്രമുണ്ടാക്കാന് ചില വര്ഗീയ ശക്തികള് ശ്രമിക്കുന്നുണ്ട്. എന്നാല് കേരളം ഇതുവരെ അതിന് നിന്ന് കൊടുത്തില്ല. ഈ തെരഞ്ഞെടുപ്പിലും വര്ഗീയ ശക്തികളെ അകറ്റി നിര്ത്തണമെന്നും ലേഖനത്തില് ആവശ്യപെടുന്നുണ്ട്.