കോഴിക്കോട്: അട്ടിമറിക്കാനുള്ള ശ്രമമാണ് ബിജെപിയുടെതെങ്കില് കേരളം പ്രതിക്ഷിക്കാത്ത തിരിച്ചടി നല്കുമെന്ന് മുഖ്യമന്ത്രി പിണറായി വിജയന്. കേരളത്തില് ഒറ്റ അക്കൌണ്ട് പോലും തുറക്കാന് സാധ്യതയില്ലാത്ത പാര്ട്ടി ഭീഷണി മുഴക്കുകയാണ്. ബിജെപിയുടെ ദേശിയ നേതാക്കള് കേരളത്തില് തമ്പടിച്ച് ഭരണം അട്ടിമറിക്കാനുള്ള ശ്രമമാണ്. എന്നാല് ഈ സ്വപ്നത്തിന് കേരളം കനത്ത തിരച്ചടി നല്കും.
ത്രിപുരയില് നടത്തിയ തെരഞ്ഞെടുപ്പ് അട്ടിമറി കേരളത്തിലും ആവര്ത്തിക്കപ്പെടുമെന്നാണ് ബിജെപി പ്രതിക്ഷിക്കുന്നത്. ആര്എസ്എസിന്റെ വര്ഗീയ നീക്കങ്ങള്ക്ക് പറ്റിയ ഇടമല്ല കേരളം. ത്രിപുരയില് കോണ്ഗ്രസിനെ അട്ടിമറിച്ച് അധികാരത്തിലെത്തിയ ബിജെപി കേരളത്തില് അത് ആവര്ത്തിക്കാമെന്ന് കരുതരുത് മുഖ്യമന്ത്രി പറഞ്ഞു.
കേരളത്തില് നുണ പ്രചാരണങ്ങള് നടത്തുന്നവര്ക്കുള്ള മറുപടി ജനങ്ങള് നല്കും. മാധ്യമങ്ങള് സംരക്ഷിക്കുന്നത് ചില സ്ഥാപിത താല്പര്യങ്ങളാണ്. ഇവിടെ കേരളത്തിലെ ഇടതുപക്ഷ സര്ക്കാരിന് പിആര് വര്ക്ക് ചെയ്യുന്നത് ജനങ്ങളാണ്. അത് മറ്റുള്ള പാര്ട്ടികള് തിരിച്ചറിയണം മുഖ്യമന്ത്രി കൂട്ടിച്ചേര്ത്തു.