തിരുവനന്തപുരം: നിയമ സഭാ തെരഞ്ഞെടുപ്പിന് മുന്നോടിയായി എല്ലാ സുരക്ഷാ ക്രമീകരണങ്ങളും പൂര്ത്തിയായതായി സംസ്ഥാന പോലീസ് മേധാവി ലോക്നാഥ് ബഹ്റ അറിയിച്ചു. സംസ്ഥാനം മുഴുവന് പ്രത്യേക സുരക്ഷാ മേഖലകളാക്കി തിരിച്ച് മുതിര്ന്ന ഉദ്യോഗസ്ഥരുടെ നേതൃത്വത്തില് പോലീസിനെ വിന്യസിക്കുമെന്നും ലോക്നാഥ് ബഹ്റവ്യക്തമാക്കി.
സിഐഎസ്എഫ്, സിആര്പിഎഫ്, ബിഎസ്എഫ്, എന്നീ കേന്ദ്ര സേനകളെ തെരഞ്ഞെടുപ്പിന്റെ ഭാഗമായി കേരളത്തില് വിന്യസിപ്പിച്ചിട്ടുണ്ട്. തെരഞ്ഞെടുപ്പിനോട് അനുബന്ധിച്ച് ഉണ്ടാകുന്ന സംഘര്ഷത്തെ നേരിടാന് സേനക്ക് ഓട്ടോമാറ്റിക് തോക്കുകള് ഉള്പ്പെടെയുള്ള ആയുധങ്ങള് നല്കിയിട്ടുണ്ട്. തെരഞ്ഞെടുപ്പിന്റെ ഭാഗമായി ഇതാദ്യമായിട്ടാണ് ഇത്രയധികം സേനയെ സംസ്ഥാനത്ത് വിന്യസിപ്പിക്കുന്നത്.
ഇന്ന് മുതല് സുരക്ഷാ ക്രമീകരണങ്ങള് സംസ്ഥാനത്ത് നിലവില് വരും. ഏപ്രില് 6 നാണ് സംസ്ഥാനത്ത് തെരഞ്ഞെടുപ്പ് നടക്കുന്നത്.