ഗുജറാത്തിലെ യുവാക്കള്‍ ട്വിറ്ററില്‍ മാത്രമല്ല ട്രാക്ടറുകളിലും സജീവമാകണം- രാകേഷ് ടികായത്ത്

ഗാന്ധി നഗര്‍: ഗുജറാത്തിലെ യുവാക്കള്‍ ഭയം വെടിഞ്ഞ് കര്‍ഷകപ്രക്ഷോഭത്തിന്റെ ഭാഗമാകണമെന്ന് കര്‍ഷക നേതാവ് രാകേഷ് ടികായത്ത്. ഗുജറാത്തിലെ പലന്‍പൂരില്‍ വച്ച് നടന്ന 'കിസാന്‍ മഹാ പഞ്ചായത്തില്‍' പങ്കെടുത്ത് സംസാരിക്കുകയായിരുന്നു അദ്ദേഹം. 'ഗുജറാത്തിലെ ജനങ്ങള്‍ പ്രക്ഷോഭത്തിന്റെ ഭാഗമാകാന്‍ സ്വയം തയ്യാറാകണം. യുവാക്കള്‍ സമര രംഗത്തേക്ക് കടന്നു വരണം. ഭയചികിതരാകാന്‍ പാടില്ല. നമ്മുടെ മണ്ണും ജീവനും തട്ടിയെടുക്കാന്‍ തക്കംപാര്‍ത്തിരിക്കുന്ന കഴുകന്മാരുണ്ട്. അവരോട് തോല്‍ക്കാതിരിക്കാന്‍ യുവാക്കള്‍ രംഗത്തിറങ്ങണം' രാകേഷ് ടികായത്ത് പറഞ്ഞു.

രാജ്യത്തുടനീളം ഗുജറാത്ത് മോഡല്‍ നടപ്പിലാക്കുമെന്നു പറഞ്ഞ സര്‍ക്കാര്‍ സംസ്ഥാനത്തെ അറുപത് ഗ്രാമങ്ങളാണ് റിലയന്‍സിന് നല്‍കിയത്. സമാന രീതിയില്‍ രാജ്യത്തുടനീളമുളള കര്‍ഷകരുടെ ഭൂമികള്‍ അവര്‍ തട്ടിയെടുക്കും. കോടതിയില്‍ കേസുകൊടുത്ത് വിജയിക്കാമെന്ന് നാം കരുതിയാല്‍ അവിടെയും സര്‍ക്കാര്‍ തടസം നില്‍ക്കും. അതിനാല്‍ കോടതി വിധികള്‍ക്കായി കാത്തുനില്‍ക്കരുത്. നമ്മുടെ ഭൂമി പ്രക്ഷോഭത്തിലൂടെ മാത്രമേ നമുക്ക് സംരക്ഷിക്കാനാവുകയുളളു- ടികായത്ത് കൂട്ടിച്ചേര്‍ത്തു.

ഡല്‍ഹിയിലെ കര്‍ഷകരുടെ പ്രക്ഷോഭത്തെ ഇല്ലാതാക്കാനാണ് ദേശീയ മാധ്യമങ്ങള്‍ ശ്രമിക്കുന്നത്. പ്രക്ഷോഭം അവസാനിച്ചുവെന്ന് പറഞ്ഞ് ഒഴിഞ്ഞ ടെന്റുകളും റോഡുകളും കാണിക്കുകയാണ് അവര്‍. എന്നാല്‍ വാസ്തവത്തില്‍ ലക്ഷക്കണക്കിന് കര്‍ഷകര്‍ ഇന്നും ഡല്‍ഹിയില്‍ പ്രതിഷേധിക്കുന്നുണ്ട്. ഗുജറാത്തിലെ യുവാക്കള്‍ ട്വിറ്ററില്‍ മാത്രമല്ല ട്രാക്ടറുകളിലും സജീവമായിരിക്കണം. കേന്ദ്രത്തില്‍ ഇപ്പോള്‍ അധികാരത്തിലിരിക്കുന്നവര്‍ ഇവിടെ നിന്ന് ശക്തരായി പോയവരാണ്. അവര്‍ക്കെതിരായ പ്രതിഷേധവും ഇവിടെ നിന്നാണ് ഉയരേണ്ടതെന്നും അദ്ദേഹം പറഞ്ഞു.

Contact the author

National Desk

Recent Posts

National Desk 4 hours ago
National

ബട്ടര്‍ ചിക്കനെ ചൊല്ലിയുളള നിയമയുദ്ധം തുടരുന്നു; ഡല്‍ഹി ഹൈക്കോടതിയില്‍ പുതിയ ഹര്‍ജി

More
More
National Desk 4 hours ago
National

മണിപ്പൂരില്‍ ഈസ്റ്ററിന് അവധിയില്ല; സർക്കാർ ഓഫീസുകൾ പ്രവർത്തിക്കണമെന്ന് ഉത്തരവ്

More
More
National Desk 7 hours ago
National

സീറ്റ് ലഭിക്കാത്ത മനോവിഷമത്തിൽ ആത്മഹത്യക്ക് ശ്രമിച്ച ഈറോഡ് എംപി അന്തരിച്ചു

More
More
National Desk 9 hours ago
National

1996-ലെ മയക്കുമരുന്ന് കേസ്; സഞ്ജീവ് ഭട്ട് കുറ്റക്കാരനാണെന്ന് കോടതി

More
More
National Desk 1 day ago
National

'ലഡാക്കിനായുളള പോരാട്ടം മറ്റ് മാര്‍ഗങ്ങളിലൂടെ തുടരും'; 21 ദിവസത്തെ നിരാഹാര സമരം അവസാനിപ്പിച്ച് സോനം വാങ്ചുക്

More
More
National Desk 1 day ago
National

2047-ല്‍ ഇന്ത്യയെ വികസിത രാഷ്ട്രമാക്കുമെന്ന മോദിയുടെ വാദം അസംബന്ധം- രഘുറാം രാജന്‍

More
More