ഡല്ഹി: രാജ്യത്ത് കൊവിഡ് വ്യാപനം രൂക്ഷമാവുന്ന സാഹചര്യത്തില് സമരം ചെയ്യുന്ന കര്ഷകരെ ഒഴിപ്പിക്കാനായി ഓപ്പറേഷന് ക്ലീന് പദ്ധതിയുമായി കേന്ദ്രസര്ക്കാര്. കേന്ദ്രസര്ക്കാരിന്റെ ഈ നീക്കത്തെ സമരഭൂമിയിലെ അംഗബലം വര്ധിപ്പിച്ച് ഓപ്പറേഷന് ശക്തിയിലൂടെ നേരിടുമെന്ന് സംയുക്ത കിസാന് മോര്ച്ച വ്യക്തമാക്കി.
കൊറോണയുടെ പേരില് കര്ഷകരെ ഒഴിപ്പിക്കാനുളള ഗൂഢാലോചനയാണ് നടക്കുന്നത്. ഏപ്രില് 20 മുതല് 26 വരെ കര്ഷകര് 'റെസിസ്റ്റന്സ് വീക്കായി' ആചരിക്കും ഈ ദിവസങ്ങളില് കര്ഷകര് പ്രതിഷേധിക്കുന്ന എല്ലായിടങ്ങളിലും കൊവിഡിനെ പ്രതിരോധിക്കാനുളള ക്രമീകരണങ്ങള് ചെയ്യുമെന്ന് സംയുക്ത കിസാന് മോര്ച്ച അറിയിച്ചു.
തെരഞ്ഞെടുപ്പ് കഴിഞ്ഞാലുടന് ഓപ്പറേഷന് ക്ലീന് നടത്തി ഒഴിപ്പിക്കാന് പദ്ധതിയുണ്ടെന്ന് ദേശീയ മാധ്യമങ്ങള് റിപ്പോര്ട്ട് ചെയ്തിരുന്നു. തങ്ങളുടെ ജീവനെക്കുറിച്ച് ആശങ്കയുണ്ടെങ്കില് സര്ക്കാര് കാര്ഷികനിയമങ്ങള് ഉടന് പിന്വലിക്കുകയാണ് വേണ്ടതെന്ന് കര്ഷകസംഘടന അഭിപ്രായപ്പെട്ടു. നിയമങ്ങള് പിന്വലിക്കാതെ പ്രതിഷേധം അവസാനിപ്പിക്കില്ലെന്ന ഉറച്ചനിലപാടിലാണ് കര്ഷകര്.