വാഷിംഗ്ടണ്: അമേരിക്കയില് കറുത്ത വംശജനായ ജോര്ജ്ജ് ഫ്ളോയിഡിനെ കൊലപ്പെടുത്തിയ കേസില് പൊലീസ് ഉദ്യോഗസ്ഥന് ഡെറിക് ഷോവിന് കുറ്റക്കാരനെന്ന് കോടതി. ഡെറികിനെതിരെ ചുമത്തിയ മൂന്ന് കുറ്റങ്ങളും തെളിഞ്ഞു, 75 വര്ഷം വരെ തടവ് ശിക്ഷ ലഭിക്കാന് സാധ്യതയുണ്ട്. 8 ആഴ്ച്ചകള്ക്കുളളില് ശിക്ഷ വിധിക്കുമെന്ന് കോടതി വ്യക്തമാക്കി.
ചെറിയൊരു ഭക്ഷണശാലയില് സെക്യൂരിറ്റിയായി ജോലി ചെയ്തിരുന്ന ജോര്ജ്ജ് ഫ്ളോയിഡ് 2020 ജൂണിലാണ് കൊല്ലപ്പെടുന്നത്. വ്യാജ കറന്സി കയ്യില് വച്ചുവെന്നാരോപിച്ചാണ് ഡെറിക് ഷോവിനുള്പ്പെടെ നാല് പൊലീസുകാര് ചേര്ന്ന് ഫ്ളോയിഡിനെ അറസ്റ്റ് ചെയ്യുകയും റോഡില് കഴ്ത്തി കിടക്കി കഴുത്തില് കാല്മുട്ട് അമര്ത്തിയായിരുന്നു കൊലപാതകം.
'നിങ്ങളുടെ കാല്മുട്ടുകള് എന്റെ കഴുത്തിലാണ് എനിക്ക് ശ്വാസം മുട്ടുന്നു'... എന്ന് നിലവിളിക്കുന്ന വീഡിയോ ലോകം മുഴുവന് പ്രതിഷേധങ്ങളുയരാന് കാരണമായി. ജോര്ജ്ജ് ഫ്ളോയിഡിന് നീതി ആവശ്യപ്പെട്ട് നിരവധിപേരാണ് തെരുവിലിറങ്ങി പ്രതിഷേധിച്ചത്.