കണ്ണൂര്‍: സിപിഎം സംസ്ഥാന സമിതിയംഗം പി. ജയരാജനെ അപായപ്പെടുത്താന്‍ ശ്രമമുണ്ടാകാമെന്ന് ഇന്റലിജന്സ് റിപ്പോര്‍ട്ട്‌. ഇത് കണക്കിലെടുത്ത് ജയരാജന് വൈ പ്ലസ്‌ കാറ്റഗറി സുരക്ഷയൊരുക്കും. ജയരാജന് പങ്കെടുക്കുന്ന പരിപാടികള്‍ക്കും, പോകുന്ന സ്ഥലത്തും സുരക്ഷക്കായി കൂടുതല്‍ പോലീസിനെ വിന്യസിപ്പിക്കുമെന്ന് ഉത്തരമേഖലാ ഐജി അശോക് യാദവ് പറഞ്ഞു.
നിയമസഭാ തെരഞ്ഞെടുപ്പിന് മുന്നോടിയായി തന്നെ ജയരാജന് ഭീഷണി നിലനിന്നിരുന്നു. പാനൂരിലെ ലീഗ് പ്രവര്‍ത്തകന്‍റെ കൊലപാതകത്തിന് ശേഷം അപായ ഭീഷണി കൂടിയെന്നാണ് ഇന്റലിജന്സ് നല്‍കുന്ന വിവരം. തെരഞ്ഞെടുപ്പ് സമയത്ത് സുരക്ഷ കൂടുതല്‍ ശക്തമാക്കുവാന്‍ ഐജി അശോക് യാദവ് നിര്‍ദേശിച്ചിരുന്നെങ്കിലും ജയരാജന് നിരസിക്കുകയായിരുന്നു. വടക്കന്‍ മേഖലകളില്‍ ജയരാജന്‍റെ പരിപാടികളില്‍ കൂടുതല്‍ ശ്രദ്ധവേണമെന്ന് കണ്ണൂര്‍, കാസര്‍ഗോഡ്‌ ജില്ലകളിലെ പോലീസ് ഉദ്യോഗസ്ഥര്‍ക്ക് ഐജി നിര്‍ദേശം നല്‍കിയിട്ടുണ്ട്.
നിലവില്‍ രണ്ട് ഗണ്‍മാന്‍മാരാണ് ജയരാജന്‍റെ സുരക്ഷക്കായി നിയോഗിച്ചിട്ടുള്ളത്. കൂടുതല്‍ പോലീസുകാരെ സുരക്ഷക്കായി നിയോഗിക്കേണ്ടന്ന് ജയരാജന് അറിയിച്ചതിന്‍റെ അടിസ്ഥാനത്തില്‍ കൂടുതലായി നിയോഗിച്ച പോലീസ് ഉദ്യോഗസ്ഥരെ ഐജി തിരിച്ചു വിളിച്ചു. ഷുക്കൂര്‍, കതിരൂര്‍ വധക്കേസില്‍ പ്രതിയാണ് ജയരാജന്. നേരത്തെ ആര്‍.എസ്.എസ് വധശ്രമത്തില്‍ നിന്ന് ജയരാജന് തലനാഴിരക്കാണ് രക്ഷപ്പെട്ടത്.
