ഡല്ഹി: രാജ്യത്ത് തുടര്ച്ചയായി രണ്ടാം ദിവസത്തിലും കൊവിഡ് രോഗികളുടെ എണ്ണം 3 ലക്ഷം കവിഞ്ഞു. 3,32,733 പേര്ക്കാണ് കഴിഞ്ഞ 24 മണിക്കൂറിനുള്ളില് കൊവിഡ് സ്ഥിരീകരിച്ചത്. ഇന്നലെയും (വ്യാഴം) പ്രതിദിന രോഗബാധ 3 ലക്ഷം കവിഞ്ഞിരുന്നു. ഇതോടെ രാജ്യത്ത് ആകെ രോഗം ബാധിച്ചവരുടെ എണ്ണം 16.5 കോടി കവിഞ്ഞു. ഇതില് 13.6 കോടിയിലധികം പേര് രോഗമുക്തിന് നേടി.
കഴിഞ്ഞ 24 മണിക്കൂറിനുള്ളില് കൊവിഡ് രാജ്യത്ത് 2,263 മരണപ്പെട്ടത്. ഇത് ലോകത്തുതന്നെ ഏറ്റവും ഉയര്ന്ന മരണനിരക്കാണ്. ഇതോടെ ഇന്ത്യയില് കൊവിഡ് മൂലം മരണപ്പെട്ടവരുടെ എണ്ണം ഒരു ലക്ഷത്തി എണ്പത്തിഎഴായിരം കടന്നു. ലോകത്ത് അമേരിക്ക കഴിഞ്ഞാല് രോഗികളുടെ എണ്ണത്തില് രാണ്ടാം സ്ഥാനത്താണ് ഇന്ത്യ. അമേരിക്കയില് ഇതുവരെ രോഗം ബാധിച്ചത് 32.6 കോടി ആളുകള്ക്കാണ്. ഇന്ത്യയില് ഏകദേശം നേര് പകുതി പേര്ക്കാണ് രോഗബാധയുണ്ടായത്. മൂന്നാം സ്ഥാനത്ത് നില്ക്കുന്ന ബ്രസീലില് ഇതുവരെ 14.17 കോടി പേര്ക്കാണ് അസുഖം റിപ്പോര്ട്ട് ചെയ്തത്.
രണ്ടാംഘട്ട കൊവിഡ് വ്യാപനം രാജ്യത്തെ സ്ഥിതി രൂക്ഷമാക്കിയിരിക്കുകയാണ്. രാജ്യ തലസ്ഥാനമായ ഡല്ഹിയില് ഉള്പ്പെടെ ഓക്സിജന് കിട്ടാതെ രോഗികള് വലയുകയാണ്.