കൊവിഡ് വ്യാപനം രൂക്ഷമായ സാഹചര്യത്തിൽ വാക്സിൻ കേന്ദ്രങ്ങളിലെ കൂട്ടംചേരലുകളും തിരക്കും ഒഴിവാക്കാനുള്ള നടപടിയുടെ ഭാഗമായി വാക്സിൻ രജിസ്ട്രേഷൻ ഓൺലൈൻ വഴിയാക്കിയിരിക്കുകയാണ് സംസ്ഥാന സർക്കാർ. എങ്ങനെയാണ് വാക്സിന് വേണ്ടി ഓണ്ലൈനായി രജിസ്റ്റര് ചെയ്യേണ്ടത്? 18 വയസിന് മുകളിലുള്ളവർക്കുള്ള വാക്സിൻ രജിസ്ട്രേഷൻ ഏപ്രിൽ 28 മുതലാണ് ആരംഭിക്കുന്നത്.
അതിന്, selfregistration.cowin.gov.in എന്ന വെബ്സൈറ്റില് കയറുക. തുടർന്ന് മൊബൈൽ നമ്പർ നൽകി ‘get otp’ എന്ന ടാബിൽ ക്ലിക്ക് ചെയ്യുക. നിങ്ങൾ നൽകിയ മൊബൈൽ നമ്പറിൽ ലഭിച്ച ഒടിപി നമ്പർ രേഖപ്പെടുത്തി ‘വേരിഫൈ’ എന്ന ഓപ്ഷനിൽ ക്ലിക്ക് ചെയ്യാം.
ഒരു മൊബൈൽ നമ്പറിൽ നിന്ന് നാല് പേർക്ക് രജിസ്റ്റർ ചെയ്യാം. വാക്സിനേഷൻ ഷെഡ്യൂൾ ചെയ്യാനായി പേരിന് നേരെയുള്ള ‘Schedule Now’ എന്ന ഓപ്ഷൻ ക്ലിക്ക് ചെയ്യുക. അതിൽ താമസ സ്ഥലത്തിന്റെ പിൻകോഡ് നൽകുകയോ, ജില്ല തെരഞ്ഞെടുക്കുകയോ ചെയ്യുമ്പോൾ വാക്സിനേഷൻ സെന്ററുകളുടെ വിവരം ലഭ്യമാകും. തുടർന്ന് തിയതിയും സമയവും നൽകി വാക്സിനേഷൻ രജിസ്ട്രേഷൻ പൂർത്തിയാക്കാം.
രജിസ്റ്റര് ചെയ്യാന് ബുദ്ധിമുട്ടുണ്ടെങ്കില് ഞങ്ങള് സഹായിക്കാം. Muziriz Post-ന്റെ FB പേജിലേക്ക് (https://www.facebook.com/muzirizpost) Message ചെയ്താല് മതി. എല്ലാവരും മാസ്കിട്ട് ഗ്യാപ്പിട്ട് സോപ്പിട്ട് നില്ക്കുക...
നമുക്കൊരുമിച്ച് കൊറോണയെ തുരത്താം...