ധനുഷ്-മാരി സെല്വരാജ് കൂട്ടുകെട്ടില് പുതിയ ചിത്രമൊരുങ്ങുന്നു. 'കര്ണ്ണന്' എന്ന ചിത്രത്തിനുശേഷം ഇരുവരും വീണ്ടും ഒന്നിക്കുകയാണ്. ധനുഷ് തന്നെയാണ് പുതിയ ചിത്രത്തിന്റെ വിവരം ട്വീറ്റ് ചെയ്തത്. പ്രീ പ്രൊഡക്ഷന് വര്ക്കുകള് ഉടന് തുടങ്ങുമെന്നും അടുത്ത വര്ഷമായിരിക്കും സിനിമയുടെ ചിത്രീകരണം ആരംഭിക്കുകയെന്നും ധനുഷ് വ്യക്തമാക്കി.
'പരിയെറും പെരുമാള്' എന്ന ചിത്രത്തിലൂടെ പ്രശസ്തനായ സംവിധായകനാണ് മാരി സെല്വരാജ്. ധനുഷിനെ നായകനാക്കി മാരി സെല്വരാജ് അടുത്തിടെ പുറത്തിറക്കിയ കര്ണന് മികച്ച പ്രതികരണമാണ് ലഭിച്ചത്. ചിത്രത്തില് മലയാളി താരം രജിഷാ വിജയനാണ് നായികയായെത്തിയത്. ധനുഷ് നിലവില് ക്യാപ്റ്റന് അമേരിക്കയുടെ സംവിധായകരായ റൂസ്സോ ബ്രദേഴ്സിന്റെ ചിത്രത്തിലാണ് അഭിനയിച്ചുകൊണ്ടിരിക്കുന്നത്.