വാഷിംഗ്ടണ്: അമേരിക്കയില് കൊവിഡ് നിയന്ത്രണങ്ങളില് ഇളവ് വരുത്തി ഭരണകൂടം. ഇനിമുതല് കൊവിഡ് വാക്സിന് സ്വീകരിച്ചവര്ക്ക് നിര്ബന്ധമില്ലെന്ന് അമേരിക്കന് പ്രസിഡന്റ് ജോ ബൈഡന് പറഞ്ഞു. പൂര്ണ്ണമായും പ്രതിരോധ കുത്തിവയ്പ്പെടുത്തവര്ക്ക് ഒറ്റയ്ക്കോ വാക്സിന് എടുത്തവരോടൊപ്പമോ പുറത്തുപോകുമ്പോള് മാസ്ക് നിര്ബന്ധമില്ലെന്നും അദ്ദേഹം കൂട്ടിച്ചേര്ത്തു.
'ഞാനത് വ്യക്തമാക്കാന് ആഗ്രഹിക്കുകയാണ്. നിങ്ങളൊരു വലിയ ആള്ക്കൂട്ടമുളള സ്ഥലത്തേക്കാണ് പോകുന്നതെങ്കില് നിര്ബന്ധമായും മാസ്ക് ധരിക്കണം എന്നാല് കൂട്ടുകാരുമായി അടുത്തുളള പാര്ക്കിലേക്കാണ് പോകുന്നതെങ്കില് കൂട്ടത്തിലുളള എല്ലാവരും വാക്സിന് സ്വീകരിച്ചവരാണെങ്കില് മാസ്ക് ഉപയോഗിക്കണമെന്നില്ല' ബൈഡന് പറഞ്ഞു.
ഒരാള് രണ്ട് ഡോസ് വാക്സിനും സ്വീകരിച്ചിട്ടുണ്ടെങ്കില് അയാളില് നിന്ന് മറ്റൊരാളിലേക്കോ മറ്റൊരാളില് നിന്ന് അയാളിലേക്കോ രോഗം ബാധിക്കാന് സാധ്യത കുറവാണെന്ന് സെന്റര് ഫോര് ഡിസീസ് കണ്ട്രോള് ആന്ഡ് പ്രിവെന്ഷന് മേധാവി റൊഷേല് വാലെന്സ്കി പറഞ്ഞു. അമേരിക്കയില് ആകെ ജനസംഖ്യയുടെ നാല്പ്പത്തിയൊന്ന് ശതമാനം പേര് കൊവിഡ് വാക്സിന്റെ ആദ്യ ഡോസ് സ്വീകരിച്ചിട്ടുണ്ടെന്നും സിഡിസി അറിയിച്ചു. അമേരിക്കയില് ഇതുവരെ പൂര്ണമായും വാക്സിന് സ്വീകരിച്ചത് 95 ലക്ഷം പേരാണ്.