ജനീവ: ഐക്യരാഷ്ട്രസഭക്ക് 50 കോടി ഡോസ് വാക്സിന് നല്കാന് ഒരുങ്ങി ഔഷധ നിര്മ്മാണ കമ്പനിയായ മോഡേര്ണ. ദരിദ്ര രാജ്യങ്ങള്ക്ക് കൊവിഡ് വാക്സിന് നല്കാനുള്ള ഐക്യരാഷ്ട്ര സഭയുടെ 'കോവാക്സ് പദ്ധതിയിലേക്കാണ്' മോഡേര്ണ വാക്സിന് നല്കുന്നത്. 2022 അവസാനത്തോടെ മാത്രമേ 50 കോടി വാക്സിന് നല്കാന് കഴിയൂ.
വാക്സിന് പങ്കാളിത്തത്തെ പ്രോത്സാഹിപ്പിക്കുന്ന കമ്പനിയായ ഗവിയാണ് ഇക്കാര്യത്തില് മോഡേര്ണയുമായി ധാരണയിലായത്. കഴിഞ്ഞ വെള്ളിയാഴ്ചയാണ് ലോകാരോഗ്യസംഘടന മൊഡോണ വാക്സിന്റെ അടിയന്തര ഉപയോഗത്തിന് അനുമതി നല്കിയത്. ഈ വര്ഷം ഒക്ടോബറോടെയാണ് കമ്പനി വാക്സിന് വിതരണം ആരംഭിക്കുക. ജനിതക മാറ്റം സംഭവിച്ച കൊറോണ വൈറസിന് മോഡേര്ണ വാക്സിന് ഫലപ്രദമാണെന്ന് പരീക്ഷണങ്ങള് തെളിയിച്ചിരുന്നു.
ഇന്ത്യയില് കൊവിഡ് രൂക്ഷമായ സാഹചര്യത്തില് ഐക്യരാഷ്ട്ര സഭയുടെ 'കോവാക്സ് പദ്ധതി'യിലേക്ക് നല്കുന്ന ആസ്ട്രസെനക്ക വാക്സിന് ഡോസുകളുടെ എണ്ണം പരിമിതപ്പെടുത്തിയിട്ടുണ്ട്. ഇതേ സമയം ആസ്ട്രസെനക്ക വാക്സിന്റെ 10 ലക്ഷം ഡോസുകള് അടിയന്തരമായി കൊവക്സ് പദ്ധതിയിലേക്ക് സംഭാവന ചെയ്യാമെന്ന് സ്വീഡന് അറിയിച്ചു.