നിയമസഭ തെരഞ്ഞെടുപ്പില് ബിജെപിയുടെ സിറ്റിങ്ങ് സീറ്റായ നേമത്ത് എല്ഡിഎഫ് സ്ഥാനാര്ത്ഥി വി. ശിവന്കുട്ടി ജയിച്ചതിന് കാരണം കോണ്ഗ്രസിന്റെ മുതിര്ന്ന നേതാവ് കെ. മുരളീധരനാണെന്ന വിശകലനം തള്ളി എഴുത്തുകാരന് എന്. എസ്. മാധവന്.
മുരളി ഒരു ഇരുതലവാളായിരുന്നെന്നും, അദ്ദേഹത്തിന് ന്യൂനപക്ഷ വോട്ടുകള് വിഭജിപ്പിച്ച് കുമ്മനത്തെ ജയിപ്പിക്കാമായിരുന്നു. അങ്ങനെ സംഭവിക്കാത്തത് വോട്ടര്മാരുടെ ജാഗ്രത കൊണ്ട് മാത്രമാണെന്നും എന്. എസ്. മാധവന് വിലയിരുത്തുന്നു.
അതേസമയം,എല്ഡിഎഫ് സ്ഥാനാര്ത്ഥിയായ വി ശിവന്കുട്ടി അയ്യായിരത്തിലേറെ വോട്ടുകള്ക്കാണ് നേമത്ത് വിജയിച്ചത്. ഇവിടെ മണ്ഡലം നിലനിര്ത്താന് ബിജെപി കുമ്മനം രാജശേഖരനെയായിരുന്നു സ്ഥാനാര്ത്ഥിയാക്കിയത്. 2016ല് വി. ശിവന്കുട്ടിയെ പരാജയപ്പെടുത്തിയാണ് ബിജെപി ഒ രാജഗോപാലിലൂടെ ഇവിടെ അക്കൗണ്ട് തുറന്നത്. 8671 വോട്ടിന്റെ ഭൂരിപക്ഷമാണ് അന്ന് ബിജെപി നേടിയത്.