കമല്‍നാഥ് നാളെ വിശ്വാസം തെളിയിക്കണം-ഗവര്‍ണ്ണര്‍

ഭോപ്പാല്‍ : നാളെ സഭയില്‍ വിശ്വാസം തെളിയിക്കാന്‍ മധ്യപ്രദേശ് മുഖ്യമന്ത്രി കമല്‍നാഥിനോട്‌ ഗവര്‍ണ്ണര്‍ ലാല്‍ജി ടണ്ഡന്‍  ആവശ്യപ്പെട്ടു. ഇന്നലെ രാത്രി 12- മണിയോടെയാണ് ഈ ആവശ്യമുന്നയിച്ച് ഗവര്‍ണ്ണര്‍ കമല്‍നാഥിന് കത്ത് കൈമാറിയിരിക്കുന്നത്. തിങ്കളാഴ്ച്ച രാവിലെ 11-മണിക്ക് മുന്‍പ് സഭയില്‍ സര്‍ക്കാര്‍ വിശ്വാസ വോട്ട് തേടാനാണ് ആവശ്യം. ന്യൂനപക്ഷ സര്‍ക്കാരാണ് നിലവിലുള്ളതെന്നും ഈ സാഹചര്യത്തില്‍ വിശ്വാസം തെളിയിക്കേണ്ടത് അത്യാവശ്യമാണെന്നും മൂന്നു പേജുള്ള കത്തില്‍ ഗവര്‍ണ്ണര്‍ ലാല്‍ജി ടണ്ഡന്‍  വ്യക്തമാക്കി.

ഭരണപക്ഷത്തു നിന്നുള്ള 22- എംഎല്‍എ-മാര്‍ രാജിവെച്ചതോടെ സര്‍ക്കാരിന്‍റെ ഭൂരിപക്ഷം നഷ്ടമായെന്നും തുടരാന്‍ ഭരണഘടനാ പ രമായ അവകാശമില്ലെന്നും ചൂണ്ടിക്കാട്ടി മുന്‍മുഖ്യമന്ത്രി ശിവരാജ് സിംഗ് ചൌഹാന്‍റെ നേതൃത്വത്തില്‍ ബിജെപി നേതാക്കള്‍ ഇന്നലെ വൈകീട്ട് ഗവര്‍ണ്ണറെ കണ്ടിരുന്നു. തിങ്കളാഴ്ച്ചതന്നെ വിശ്വാസ വോട്ടെടുപ്പ് നടത്തണമെന്നാണ് ഇവര്‍ ആവശ്യപ്പെട്ടത്. തൊട്ടു പിറകെയാണ് ഗവര്‍ണ്ണര്‍ 'ന്യൂനപക്ഷ സര്‍ക്കാരാണ് നിലവിലുള്ളതെന്നും ഈ സാഹചര്യത്തില്‍ വിശ്വാസം തെളിയിക്കേണ്ടത് അത്യാവശ്യമാണെന്നും' കാണിച്ചുകൊണ്ട് മുഖ്യമന്ത്രി കമല്‍നാഥിന് കത്തു കൈമാറിയത്. ഇതിനിടെ രാജി നല്‍കിയ 22- എംഎല്‍എ-മാരില്‍ 6 -പേരുടെ രാജിക്കത്ത് സ്പീക്കര്‍ എന്‍.പി.പ്രജാപതി സ്വീകരിച്ചു. ഇന്ന് തന്നെ (ഞായറാഴ്ച ) തന്‍റെ മുന്‍പാകെ ഹാജരാവാന്‍ രാജി സമര്‍പ്പിച്ച എംഎല്‍എ-മാരോട് സ്പീക്കര്‍ ആവശ്യപ്പെട്ടിട്ടുണ്ട്. 

ജ്യോതിരാദിത്യ സിന്ധ്യയുടെ ബിജെപി പ്രവേശത്തോടെ പ്രതിസന്ധി തുടരുന്ന മധ്യപ്രദേശില്‍ 22 എംഎല്‍എമാരേയാണ്  ബംഗുലുരുവിലുള്ള റിസോട്ടില്‍ താമസിപ്പിച്ചിരിക്കുന്നത്. ജ്യോതിരാദിത്യയുടെ പക്ഷത്തുള്ളവരെയാണ് സര്‍ക്കാരിനെ പ്രതിസന്ധിയിലാക്കുക എന്ന ലക്ഷ്യത്തോടെ ബംഗുലുരുവിലേക്ക്  മാറ്റിയത്. 230 അംഗ നിയമസഭയില്‍ കോണ്‍ഗ്രസ്സിനു 120 -ഉം ബിജെപിക്കി 107-ഉം എംഎല്‍എമാരാണ് ഉള്ളത്. സര്‍ക്കാരിന് കേവല ഭൂരിപക്ഷം തെളിയിക്കണമെങ്കില്‍ 116- എംഎല്‍എമാരുടെ പിന്തുണ ആവശ്യമാണ്‌. ഇപ്പോഴത്തെ സാഹചര്യത്തില്‍ രാജി കത്ത് നല്‍കിയ 22   എംഎല്‍എമാരുടെ രാജി സ്വീകരിക്കുകയാണെങ്കില്‍ സഭയുടെ അംഗബലം 206- ആയി ചുരുങ്ങും. അങ്ങിനെ സംഭവിക്കുകയാണെങ്കില്‍ 107 സീറ്റുള്ള ബിജെപി ഭരണം പിടിക്കാനാണ് സാധ്യത. അതേസമയം ജ്യോതിരാദിത്യ സിന്ധ്യ ബിജെപിയില്‍ ചേര്‍ന്നതോടെ വിമത എംഎല്‍എമാരില്‍ പലരും സിന്ധ്യയില്‍ നിന്ന് അകന്നതായി വാര്‍ത്തകളുണ്ട്. 





Contact the author

national desk

Recent Posts

National Desk 2 hours ago
National

ബട്ടര്‍ ചിക്കനെ ചൊല്ലിയുളള നിയമയുദ്ധം തുടരുന്നു; ഡല്‍ഹി ഹൈക്കോടതിയില്‍ പുതിയ ഹര്‍ജി

More
More
National Desk 2 hours ago
National

മണിപ്പൂരില്‍ ഈസ്റ്ററിന് അവധിയില്ല; സർക്കാർ ഓഫീസുകൾ പ്രവർത്തിക്കണമെന്ന് ഉത്തരവ്

More
More
National Desk 6 hours ago
National

സീറ്റ് ലഭിക്കാത്ത മനോവിഷമത്തിൽ ആത്മഹത്യക്ക് ശ്രമിച്ച ഈറോഡ് എംപി അന്തരിച്ചു

More
More
National Desk 8 hours ago
National

1996-ലെ മയക്കുമരുന്ന് കേസ്; സഞ്ജീവ് ഭട്ട് കുറ്റക്കാരനാണെന്ന് കോടതി

More
More
National Desk 1 day ago
National

'ലഡാക്കിനായുളള പോരാട്ടം മറ്റ് മാര്‍ഗങ്ങളിലൂടെ തുടരും'; 21 ദിവസത്തെ നിരാഹാര സമരം അവസാനിപ്പിച്ച് സോനം വാങ്ചുക്

More
More
National Desk 1 day ago
National

2047-ല്‍ ഇന്ത്യയെ വികസിത രാഷ്ട്രമാക്കുമെന്ന മോദിയുടെ വാദം അസംബന്ധം- രഘുറാം രാജന്‍

More
More