മസ്ക്കറ്റ്: ഒമാനില് കൊറോണ ബാധിതരുടെ എണ്ണം 20 - ആയി ഉയര്ന്നു. ഇതുവരെ മരണം റിപ്പോര്ട്ട് ചെയ്തിട്ടില്ല. എന്നാല് കോവിഡ്-19 വൈറസ് ബാധയെ തുടര്ന്ന് ഒരാള് മരിച്ചു എന്ന വാര്ത്ത ഒമാന് ഔദ്യാഗിക വൃത്തങ്ങള് നിഷേധിച്ചു. ഒമാന് റോയല് ആശുപത്രിയില് ചികിത്സയിലുള്ള ഇയാള് തീവ്ര പരിചരണ വിഭാഗത്തിലാണ് ഉള്ളതെന്ന് റോയല് ആശുപത്രി ബുള്ളറ്റിന് വ്യക്തമാക്കി. ഇതുമായി ബന്ധപ്പെട്ട് സമൂഹ മാധ്യമങ്ങളില് പ്രചരിക്കുന്ന വാര്ത്തകള് തെറ്റാണെന്നും ഔദ്യാഗിക വൃത്തങ്ങള് അറിയിച്ചു.
അതേസമയം ഒമാന് സുപ്രീം കമ്മിറ്റിയുടെ നിര്ദ്ദേശ പ്രകാരം എല്ലാ വിദ്യാഭ്യാസ സ്ഥാപനങ്ങളും അടച്ചിടാന് തീരുമാനമായി. ഒരുമാസം വരെ നീളുന്ന അവധി ഇന്ന് (ഞായറാഴ്ച്ച) ആരംഭിക്കും.