ഡല്ഹി: കൊറോണ വൈറസിനും ജീവിക്കാൻ അവകാശമുണ്ടെന്ന് ബിജെപി നേതാവ്. ഉത്തരാഖണ്ഡ് മുൻ മുഖ്യമന്ത്രിയും ബി.ജെ.പി നേതാവുമായ ത്രിവേന്ദ്ര സിങ് റാവത്താണ് കൊറോണ വൈറസിനും ജീവിക്കാനുള്ള അവകാശമുണ്ടെന്ന വാദവുമായി രംഗത്തെത്തിയത്. കൊറോണ വൈറസ് അണുജീവിയാണെന്നും അതിന് ഇവിടെ ജീവിക്കാൻ അവകാശമുണ്ടെന്നും റാവത്ത് അഭിപ്രായപ്പെട്ടു.
താത്വചിന്താപരമായി കണ്ടാൽ കൊറോണ വൈറസ് ഒരു അണു ജീവിയാണ്. അതിനാൽ ഇവിടെ ജീവിക്കാനുള്ള അവകാശം ഉണ്ട്. എന്നാൽ, മനുഷ്യർ വൈറസിനെ തുരത്താൻ ശ്രമിക്കുന്നു. അതുകൊണ്ടാണ് വൈറസ് അതിജീവനത്തിനായി വകഭേദങ്ങളുണ്ടാക്കുന്നതെന്നും- റാവത്ത് പറഞ്ഞു.
അതേസമയം, റാവത്തിന്റെ അഭിപ്രായത്തിനെതിരെ സമൂഹമാധ്യമങ്ങളിൽ ട്രോളുകൾ നിറയുകയാണ്. ഗോമൂത്രവും ചാണകവും കൊവിഡിനെ പ്രതിരോധിക്കുമെന്ന അവകാശവാദം സമൂഹ മാധ്യമങ്ങളിൽ ട്രോളുകൾ നിറയുന്നതിനിടെയാണ് ബിജെപി നേതാവിന്റെ പുതിയ പ്രസ്താവന. കേന്ദ്രം സർക്കാർ പണിയുന്ന സെൻട്രൽ വിസ്റ്റയിൽ കൊറോണ വൈറസിന് പ്രത്യേക മുറി നൽകണമെന്ന തരത്തിലുള്ള ട്രോളുകളാണ് സമൂഹമാധ്യമങ്ങളിലുള്ളത്.