തന്റെ പുതിയ ചിത്രമായ രാധേയുടെ വ്യാജ പതിപ്പ് ഓൺലൈനിൽ കാണരുതെന്ന് ആരാധകരോട് അഭ്യർത്ഥിച്ച് സൂപ്പർ താരം. ചിത്രത്തിന്റെ വ്യാജപതിപ്പ് പ്രചരിക്കുന്നതിൽ നിരാശനാണെന്നും സൽമാൻ ഖാൻ പറഞ്ഞു. വ്യാജ പതിപ്പുകൾ കണ്ട് കുഴപ്പത്തിലാകരുതെന്നും സൽമാൻ ആരാധകരെ ഉപദേശിച്ചു. ചിത്രത്തിന്റെ വ്യാജ പതിപ്പ് കാണുന്നതിനെതിരായ മുന്നറിയിപ്പ് താരം ട്വിറ്ററിൽ പങ്കുവെച്ചു. 249 രൂപക്ക് ചിത്രം കാണാനുള്ള അവസരമുള്ളപ്പോൾ അനധികൃതമായി ചില സൈറ്റുകളിൽ ചിത്രം പ്രദർശിപ്പിക്കുന്നത് ഗുരുതരമായ കുറ്റമാണ്. ഇത്തരം സൈറ്റുകൾക്കെതിരെ സൈബർ സെൽ കർശനമായ നടപടി എടുക്കും- സൽമാൻ ട്വിറ്ററിൽ പങ്കുവെച്ച പോസ്റ്ററിൽ പറയുന്നു.
രാധെ മോസ്റ്റ് വാണ്ടഡ് ബായ് എന്നാണ് ചിത്രത്തിന്റെ മുഴുവൻ പേര്. പൊലീസ് ഓഫീസറുടെ വേഷത്തിലാണ് സൽമാൻ ഖാൻ എത്തുന്നത്. ദിഷ പതാനിയാണ് നായിക. ജാക്കി ഷ്രോഫ്, രൺദീപ് ഹൂഡ എന്നിവരും അഭിനയിക്കുന്നുണ്ട്. സൽമാൻ ഖാൻ സുഹൈൽ ഖാൻ റീൽ ലൈഫ് പ്രോഡക്ഷൻ എന്നിവർ ചേർന്നാണ് ചിത്രം നിർമിച്ചത്. 2021 മെയ് 13 നാണ് ചിത്രം റിലീസ് ചെയ്തത്. 40 ഓളം രാജ്യങ്ങളിലും ചിത്രം പുറത്തിറങ്ങിയിട്ടുണ്ട്. ZEEPlex, Zee5 OTT പ്ലാറ്റ്‌ഫോമിലും, ഡിടിഎച്ചുകളിലും ചിത്രം ലഭ്യമാണ്.
