കൊവിഡിന്റെ ഇന്ത്യൻ വകഭേദങ്ങളായ B.1.617, B.1.618 എന്നിവക്ക് ഫൈസർ മോഡേണ വാക്സിൻ ഫലപ്രദമെന്ന് പഠനം. B.1.617, B.1.618 എന്നീ വകഭേദങ്ങളെ പ്രതിരോധ കുത്തിവയ്പ്പിലൂടെ ലഭിക്കുന്ന ആന്റിബോഡികൾ പ്രതിരോധിക്കുന്നതായി പഠനത്തിൽ കണ്ടെത്തിയിട്ടുണ്ട്. ഫൈസറിന്റെ വാക്സിനേഷൻ എടുത്തവർ മ്യൂട്ടേഷൻ സംഭവിച്ച വൈറസുകളെ ഭയക്കേണ്ടതില്ലെന്നാണ് പഠനങ്ങൾ സൂചിപ്പിക്കുന്നത്. എൻയുയു ഗ്രോസ്മാൻ സ്കൂൾ ഓഫ് മെഡിസിനും എൻയുയു ലങ്കോൺ സെന്ററും ചേർന്നാണ് പഠനം നടത്തിയത്.
വൈറസിന്റെ ഇന്ത്യയിൽ കണ്ടെത്തിയ വകഭേദങ്ങൾ അതീവ ഗൗരവമുള്ളതാണെന്ന് ലോകാരോഗ്യ സംഘടന അഭിപ്രായപ്പെട്ടിരുന്നു. B.1.617 മ്യൂട്ടേഷൻ മറ്റ് വേരിയന്റുകളേക്കാൾ എളുപ്പത്തിൽ വ്യാപിക്കുന്നവയാണെന്നും സംഘടന മുന്നറിയിപ്പ് നൽകിയിയിട്ടുണ്ട്.
കൊവിഡ് ബാധിച്ച ഇന്ത്യയിൽ കഴിഞ്ഞ ദിവസം 4,329 പേർ മരിച്ചു. ഇതുവരെ റിപ്പോര്ട്ട് ചെയ്തതില് ഏറ്റവും ഉയര്ന്ന പ്രതിദിന കണക്കാണിത്. ഇതോടെ രാജ്യത്ത് 2,78,719 ആളുകളാണ് കൊവിഡ് മൂലം മരിച്ചത്. കഴിഞ്ഞ 24 മണിക്കൂറില് 2,63,533 പേർക്ക് കൊവിഡ് സ്ഥിരീകരിച്ചു. 2,52,28,996 പേർക്കാണ് ഇതുവരെ രാജ്യത്ത് കോവിഡ് സ്ഥിരീകരിച്ചത്. 2,15,96,512 രോഗമുക്തരാവുകയും ചെയ്തു. മഹാരാഷ്ട്ര, കേരളം, തമിഴ്നാട്, കര്ണാടക എന്നീ സംസ്ഥാനങ്ങളിലാണ് കൂടുതൽ കൊവിഡ് രോഗികളുള്ളത്.