ബിജെപിക്ക് കേരളത്തില്‍ ഉണ്ടായിരുന്ന ഏക സീറ്റ്, നേമം, തിരിച്ചു പിടിക്കാന്‍ ഇടതുപക്ഷം രംഗത്ത് ഇറക്കിയ സ്ഥാനാര്‍ഥിയാണ് വി. ശിവന്‍കുട്ടി. കടുത്ത മത്സരത്തിന് ശേഷം ബിജെപിയുടെ കുമ്മനം രാജശേഖരനെയും, കോണ്‍ഗ്രസിന്‍റെ കെ. മുരളീധരനെയും പരാജയപ്പെടുത്തി, നേമം തിരികെ പിടിച്ചെന്ന വീര പരിവേഷവുമായാണ് വി. ശിവന്‍കുട്ടി നിയമസഭയിലേക്ക് എത്തുന്നത്.
രാഷ്ട്രീയ ജീവിതത്തില്‍ വളരെ പ്രധാനപ്പെട്ട വഴിത്തിരിവാണ് ശിവന്‍കുട്ടിയുടേത്. ഇനി മുതല്‍ വിദ്യാഭ്യാസവും, തൊഴില്‍ വകുപ്പും കൈകാര്യം ചെയ്യുക ഇദ്ദേഹമാണ്. എസ്.എഫ്.ഐ. ജില്ലാപ്രസിഡന്‍റ് , സെക്രട്ടറി, സംസ്ഥാന പ്രസിഡന്‍റ്, സെക്രട്ടറി അഖിലേന്ത്യ ജോയിന്‍റ് സെക്രട്ടറി എന്നീ സ്ഥാനങ്ങളും വഹിച്ചിരുന്ന വി ശിവന്‍കുട്ടി തന്‍റെ രാഷ്ട്രീയ ജീവിതം ആരംഭിക്കുന്നത് ഉള്ളൂര്‍ ഗ്രാമപ്പഞ്ചായത്ത് പ്രസിഡന്‍റായാണ് രാഷ്ട്രീയ ജീവിതം ആരംഭിക്കുന്നത്.
1995- 2000 കാലഘട്ടത്തില്‍ തിരുവനന്തപുരം മേയറായി സേവനം അനുഷ്ഠിച്ചിട്ടുണ്ട്. തിരുവനന്തപുരം ഈസ്റ്റില്‍ നിന്ന് 2006ലും, 2011ല്‍ നെമത്തു നിന്നും നിയമസഭയിലേക്ക് തിരഞ്ഞെടുക്കപ്പെട്ടു.
ചെറുവക്കല്‍ സ്വദേശികളായ എം. വാസുദേവന്‍ പിള്ളയുടെയും, പി.കൃഷ്ണമ്മയുടെയും മകനായി 1954 നവംബര്‍ 10ന് ജനനം. ആര്‍.പാര്‍വതി ദേവിയാണ് ഭാര്യ. മകന്‍ പി ഗോവിന്ദ്‌ ശിവന്‍.
