രാജ്യത്ത് കോവിഡ്-19 വൈറസ് ബാധിതരുടെ എണ്ണം ഉയരുന്നു. മഹാരാഷ്ട്രയിൽ നാല് പേർക്ക് കൂടി കൊറോണ വൈറസ് ബാധ സ്ഥിരീകരിച്ചു. മുംബൈ, നവി മുംബൈ തുടങ്ങിയ മേഖലകളിലാണ് രോഗം സ്ഥിരീകരിച്ചത്. ഇതോടെ രാജ്യത്ത് കൊറോണ സ്ഥിരീകരിച്ചവരുടെ എണ്ണം 119 ആയി. മഹാരാഷ്ട്രയിലാണ് ഏറ്റവും കൂടുതൽ രോഗബാധിതരുള്ളത്. ഉത്തരാഖണ്ഡ്, കേരളം, കർണാടക , എന്നിവിടങ്ങളില് ഇന്നലെ കൂടുതല് കേസുകള് റിപ്പോര്ട്ട് ചെയ്തിരുന്നു.
ഡല്ഹി(7), ഹരിയാന(14), കേരളം(22), രാജസ്ഥാന്(4), തെലുങ്കാന(3), ഉത്തര്പ്രദേശ്(13), ലഡാക്ക്(3), തമിഴ്നാട്(1), ജമ്മു കശ്മീര്(2), പഞ്ചാബ്(1), കര്ണാടക(6), ഉത്തരാഖണ്ഡ്(1), ആന്ധ്രാപ്രദേശ്(1) എന്നിവിടങ്ങളിലാണ് കോവിഡ്-19 റിപ്പോര്ട്ട് ചെയ്തിരിക്കുന്നത്. ഇതില് ഹരിയാനയിലുള്ള 14 പേരും രാജസ്ഥാനിലെ രണ്ടും ഉത്തര്പ്രദേശിലെ ഒരാളുമടക്കം 17 പേര് വിദേശികളാണ്. മഹാരാഷ്ട്രയിൽ കൊറോണ വ്യാപകമായി പടർന്നുപിടിക്കുന്നതിന്റെ പശ്ചാത്തലത്തിൽ മഹാരാഷ്ട്ര മുഖ്യമന്ത്രിയുടെ അധ്യക്ഷതയിൽ അടിയന്തര യോഗം ചേരുകയാണ്. ഇന്ന് രാവിലെ സംസ്ഥാനത്ത് ഒരാൾക്ക് കൊറോണ സ്ഥിരീകരിച്ചിരുന്നു.