ബ്രസീലിയ: കൊവിഡ് നിയന്ത്രണം ലംഘിച്ചതിനാല് ബ്രസീല് പ്രസിഡന്റ് ബോള്സനാരോയ്ക്കെതിരെ എതിരെ പിഴ ചുമത്തി. പൊതു പരിപാടിയില് കൊവിഡ് മാനദണ്ഡങ്ങള് ലംഘിച്ചതിനാലാണ് പിഴ ഈടക്കിയിരിക്കുന്നത്. മാറഞ്ഞോയിലെ ഗവര്ണര് ഫ്ളാവിയോ ഡിനോയാണ് പ്രസിഡന്റിനെതിരെ നടപടി സ്വീകരിച്ചത്.
നിയമം എല്ലാവര്ക്കും ബാധകമാണെന്ന് മാറഞ്ഞോ ഗവര്ണര് പറഞ്ഞു. തന്റെ സംസ്ഥാനത്ത് നൂറിലധികം ആളുകള് കൂട്ടം കൂടുന്നതിന് വിലക്കേര്പ്പെടുത്തിയിട്ടുണ്ടെന്നും, എല്ലാവരും മാസ്ക് ധരിക്കണമെന്നും അദ്ദേഹം വ്യക്തമാക്കി. ആരോഗ്യവകുപ്പും പ്രസിഡന്റിനെതിരെ കേസ് ഫയല് ചെയ്തിട്ടുണ്ട്.
മുസ്രിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
പ്രസിഡന്റ് ബോള്സനാരോയ്ക്ക് അപ്പീല് നല്കാന് പതിനഞ്ച് ദിവസത്തെ സമയമാണ് നല്കിയിരിക്കുന്നത്. ഇതിന് ശേഷമാണ് പിഴ തുക തീരുമാനിക്കുക. തീവ്ര വലതുപക്ഷ നേതാവായ ബോള്സൊനാരോ കോവിഡ് നിയന്ത്രണങ്ങളെ ശക്തമായി എതിര്ക്കുന്ന കൂട്ടത്തിലാണ്. ഇന്നലെ മാത്രം ബ്രസീലില് റിപ്പോര്ട്ട് ചെയ്തിരിക്കുന്നത് 448,291 മരണങ്ങളും, 16,047,437 കൊവിഡ് കേസുകളുമാണ്.