നിയമസഭയില് കെ. കെ. രമയ്ക്ക് ജനാധിപത്യത്തെ കാത്ത് സൂക്ഷിക്കുന്ന പ്രതിപക്ഷമാവാന് കഴിയട്ടെയെന്ന് നടന് ഹരീഷ് പേരടി. രമയുമായി രാഷ്ട്രീയമായ അഭിപ്രായവ്യത്യാസങ്ങള് ഉണ്ടെങ്കിലും നിയമസഭയില് അവരുടെ ശബ്ദം ഉയര്ന്ന് കേള്ക്കുമ്പോള് ജനാധിപത്യത്തോടുള്ള സ്നേഹം കൂടി വരുകയാണെന്നും ഹരീഷ് ഫേസ്ബുക്കില് കുറിച്ചു.
ഹരീഷ് പറയുന്നു:
Sfi യില് രമയോടൊപ്പം പ്രവര്ത്തിച്ച അനുഭവം എന്റെ ഭാര്യ ബിന്ദു ഇപ്പോഴും സ്നേഹപൂര്വ്വം ഓര്ക്കാറുണ്ട്… ഒഞ്ചിയത്ത് ആദ്യമായി നാടകം കളിക്കാന് പോയപ്പോള് നാടകം കളിക്കാന് ആകെ വേണ്ട സാധനങ്ങളായ ഒരു ബെഞ്ചും, രണ്ട് കസേരയും, ഒരു കുപ്പി വെള്ളവും എനിക്ക് ഒരുക്കി തന്ന പാര്ട്ടി വേദിയിലെ അമരക്കാരനായ TP യെയും സ്നേഹപൂര്വ്വം ഓര്ക്കുന്നു... രാഷ്ടീയ അഭിപ്രായ വ്യത്യാസങ്ങള് നിലനില്ക്കുമ്പോളും രമയുടെ ശബ്ദം ഇന്ന് നിയമസഭയില് ഉറക്കെ കേള്ക്കുമ്പോള്... അത് ലോകം മുഴുവന് കാണുമ്പോള്... ഞാന് ജനാധിപത്യത്തെ ഒരായിരം മടങ്ങ് സ്നേഹിക്കുന്നു..രമ സഖാവേ..ജനാധിപത്യത്തെ കാത്തുരക്ഷിക്കാന്,ഒരു നല്ല പ്രതിപക്ഷമാവാന് അഭിവാദ്യങ്ങള്… ലാല്സലാം.