സൗദി അറേബ്യയിൽ അഴിമതിക്കേസ് പ്രതികളിൽ ഏതാനും പേരെ ജാമ്യത്തിൽ വിട്ടയച്ചു.കോവിഡ് 19 കൊറോണ വ്യാപനം തടയുന്നതിന്റ ഭാഗമായാണ് നടപടി. താൽകാലികമായാണ് ഇവരെ ജാമ്യത്തിൽ വിട്ടത്. അന്വേഷണത്തെ ബാധിക്കാത്ത തരത്തിലാകും നടപടിയെന്ന് കൺട്രോൾ ആന്റ് ആന്റി കറപ്ഷൻ അതോറിറ്റി ക്രിമിനൽ ഇൻവെസ്റ്റിഗേഷൻ വിഭാഗം അറിയിച്ചു.
പ്രതികളെ ജാമ്യത്തിൽ വിട്ടയക്കുന്നതിന് ഇൻവെസ്റ്റിഗേഷൻ വിഭാഗം മേധാവി നിർദേശിക്കുകയായിരുന്നു. കൊറോണ വ്യാപനം തടയുന്നതിനുള്ള മുൻകരുതലുകളുടെ ഭാഗമായി വിട്ടയച്ചതെന്ന് കൺട്രോൾ ആന്റ് ആന്റി കറപ്ഷൻ അതോറിറ്റി വക്താവ് അഹ്മദ് അൽഹുസൈൻ പറഞ്ഞു. അഴിമതി കേസുകളിൽ പങ്കില്ലെന്ന് വ്യക്തമായതിനെ തുടർന്ന് ഏതാനും പേരെ നേരത്തെ വിട്ടയച്ചിരുന്നു. വിചാരണ ആരംഭിക്കുന്നത് വരെയാണ് ഇവർക്ക് ജാമ്യം അനുവദിച്ചത്
