ഡല്ഹി: രാജ്യത്ത് റിപ്പോര്ട്ടുചെയ്യുന്ന കൊവിഡ് കേസുകളില് കുറവുണ്ടെങ്കിലും കൊവിഡ് മൂലമുളള മരണങ്ങള് ആശങ്കയാവുകയാണ്. കഴിഞ്ഞ ഇരുപത്തിനാല് മണിക്കൂറിനിടെ 6,148 പേരാണ് കൊവിഡ് ബാധിച്ച് മരിച്ചത്. ഒരു ദിവസത്തില് റിപ്പോര്ട്ട് ചെയ്യുന്ന ഏറ്റവും കൂടിയ നിരക്കാണിത്. രാജ്യത്ത് ഇതുവരെ കൊവിഡ് ബാധിച്ച് മരിച്ചത് 3,59,676 പേരാണ്. 94,052 പേര്ക്കാണ് ഇന്നലെ കൊവിഡ് സ്ഥിരീകരിച്ചത്. ആകെ രോഗം സ്ഥിരീകരിച്ചവരുടെ എണ്ണം 2,91,83,121 ആയി ഉയര്ന്നു. 11,67,952 സജീവ കേസുകളാണുളളത്. ടെസ്റ്റ് പോസിറ്റിവിറ്റി നിരക്കിലും കുറവുണ്ട്. 4,69 ആണ് രാജ്യത്തെ ടെസ്റ്റ് പോസിറ്റിവിറ്റി.
ബിഹാറില് മരണനിരക്കില് മാറ്റം വന്നതാണ് രാജ്യത്തെ കൊവിഡ് മരണങ്ങളുടെ എണ്ണത്തില് വലിയ വര്ധനവുണ്ടായതിനു കാരണം. തമിഴ്നാട്, കേരള, മഹാരാഷ്ട്ര, കര്ണാടക എന്നീ സംസ്ഥാനങ്ങളിലാണ് ഇന്നലെ ഏറ്റവും കൂടുതല് കേസുകള് റിപ്പോര്ട്ട് ചെയ്തത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, കേരളത്തില് കഴിഞ്ഞ ഇരുപത്തിനാല് മണിക്കൂറിനിടെ റിപ്പോര്ട്ട് ചെയ്തത് 16,204 പുതിയ കേസുകളാണ്. എറണാകുളം, കൊല്ലം, തിരുവനന്തപുരം, മലപ്പുറം, പാലക്കാട് ജില്ലകളിലാണ് ഏറ്റവും കൂടുതല് രോഗബാധിതര്. 20,237 പേര് രോഗമുക്തി നേടി. 156 പേരാണ് ഇന്നലെ സംസ്ഥാനത്ത് കൊവിഡ് ബാധിച്ച് മരണപ്പെട്ടത്.