തിരുവനന്തപുരം: ബ്രണ്ണന് കോളേജ് വിവാദത്തില് മുഖ്യമന്ത്രി പിണറായി വിജയനെതിരെ കെ. മുരളീധരന് എംപി. മരംമുറി വിഷയത്തില് നിന്ന് ശ്രദ്ധതിരിക്കാനാണ് അനാവശ്യമായ വിവാദങ്ങളുണ്ടാക്കുന്നതെന്ന് മുരളീധരന് പറഞ്ഞു. ഔദ്യോഗിക വാര്ത്താസമ്മേളനത്തില് 50 വര്ഷത്തെ കോളേജ് ചരിത്രം പറയേണ്ട ആവശ്യമില്ല. ഊരിപ്പിടിച്ച വാളുമായല്ല, ഉയര്ത്തിപ്പിടിച്ച മഴുവുമായാണ് മുഖ്യമന്ത്രി ഇപ്പോള് നടക്കുന്നതെന്നും മുരളീധരന് പരിഹസിച്ചു.
കോളേജില് പഠിക്കുന്ന കാലത്ത് എല്ലാവരും കൊണ്ടും കൊടുത്തും കഴിഞ്ഞിട്ടുണ്ടാകും അതൊന്നും ചര്ച്ച ചെയ്യാന് ഇപ്പോഴത്തെ സമൂഹത്തിന് താല്പ്പര്യമില്ല. ഇങ്ങോട്ട് വാചക കസര്ത്ത് നടത്താന് വന്നാല് തിരിച്ചങ്ങോട്ടും പറയും. പക്ഷേ മേലുതൊട്ടുളള കളി കോണ്ഗ്രസിന്റെ ശൈലിയല്ലെന്നും മുരളീധരന് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
രണ്ടാം ഇടതുപക്ഷ സര്ക്കാരിനെ നാണം കെടുത്തിയ മരം മുറി പോലുളള സംഭവങ്ങളില് നിന്ന് ശ്രദ്ധ തിരിച്ചുവിടാനാണ് ബ്രണ്ണന് കോളേജ് വിഷയം മുഖ്യമന്ത്രി ഇത്ര കാര്യമായി സംസാരിക്കുന്നത്. കൂടെ കൊടകര കുഴല്പ്പണക്കേസ് ഇല്ലാതാക്കാനുളള ശ്രമവും മുഖ്യമന്ത്രി നടത്തുന്നുണ്ട്. മരംമുറി കേസ് ഇഡി അന്വേഷിക്കാതിരിക്കാന് കൊടകര കേസ് വച്ച് ഒത്തുതീര്പ്പാക്കാനാണ് മുഖ്യമന്ത്രി ശ്രമിക്കുന്നതെന്നും അദ്ദേഹം കൂട്ടിച്ചേര്ത്തു.