ലണ്ടന്: കൊവിഡ് മാനദണ്ഡങ്ങള് ലംഘിച്ച് സഹപ്രവര്ത്തകയെ ചുംബിച്ച് വിവാദത്തിലായ ബ്രിട്ടീഷ് ആരോഗ്യമന്ത്രി മാറ്റ് ഹാന്കോക്ക് രാജി വച്ചു. ദി സണ് പത്രമാണ് വിവാദ ചിത്രങ്ങളും വീഡിയോയും പുറത്തുവിട്ടത്. സംഭവം സമൂഹമാധ്യമങ്ങളില് ചര്ച്ചയാവുകയും ആരോഗ്യമന്ത്രിക്കെതിരെ വന് വിമര്ശനങ്ങളുയര്ന്നുവരികയും ചെയ്ത സാഹചര്യത്തിലാണ് രാജി. ഹാന്കോക്ക് പ്രധാനമന്ത്രി ബോറിസ് ജോണ്സന് രാജിക്കത്ത് രാജിക്കത്ത് കൈമാറി.
കൊവിഡ് നിയന്ത്രണങ്ങള് കര്ശനമായി പാലിക്കണമെന്ന് നിരന്തരം ആഹ്വാനം ചെയ്യുന്നയാളാണ് മാറ്റ് ഹാന്കോക്ക്. ബ്രിട്ടനില് കുടുംബാംഗങ്ങളല്ലാത്തവരെ ആലിംഗനം ചെയ്യുന്നതിനും വീടിനു പുറത്ത് ആളുകളുമായി അടുത്തിടപഴകുന്നതിനും നിയന്ത്രണങ്ങളുളള സാഹചര്യത്തില് സഹപ്രവര്ത്തക ജീന കൊളാഞ്ചലോയെ ചുംബിച്ചതാണ് മന്ത്രിയുടെ രാജിയില് കലാശിച്ചത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
മുന് ധനമന്ത്രി സാജിദ് ജാവിദ് ആരോഗ്യവകുപ്പിന്റെ ചുമതലയേറ്റെടുത്തു. ജൂണ് 21-ന് ബ്രിട്ടനില് കൊവിഡ് നിയന്ത്രണങ്ങളില് ഇളവുവരുത്താനിരിക്കുകയായിരുന്നു. എന്നാല് രാജ്യത്ത് ഡെല്ട്ട വകഭേദം കണ്ടെത്തിയ സാഹചര്യത്തില് നിയന്ത്രണങ്ങള് തുടരാനാണ് സാധ്യത.