പാലക്കാട്: മുകേഷ് എംഎല്എയുമായി ബന്ധപ്പെട്ട ഫോണ് കോള് വിവാദത്തില് വിശദീകരണവുമായി വിദ്യാര്ത്ഥി. മുകേഷ് എം.എല്.യെ വിളിച്ചത് കൂട്ടുകാരന് വേണ്ടിയാണ്. റെക്കോര്ഡ് ചെയ്തത് സിനിമാ നടനായത് കൊണ്ടാണെന്നുമാണ് കുട്ടിയുടെ വിശദീകരണം. സഹായം ലഭിക്കുമെന്ന് പ്രതീക്ഷിച്ചിരുന്നുവെന്നും കുട്ടി വ്യക്തമാക്കി.
ഓൺലൈൻ ക്ലാസിൽ പങ്കെടുക്കാൻ ഫോൺ സൗകര്യമില്ലാത്ത കുട്ടികൾക്ക് അത് ലഭ്യമാക്കാൻ പറ്റുന്നത് ചെയ്യണമെന്ന് സ്കൂളിലെ വാട്സ്ആപ്പ് ഗ്രൂപ്പിൽ അധ്യാപകർ ആവശ്യപ്പെട്ടിരുന്നു. തനിക്ക് അമ്മ ഫോൺ വാങ്ങി നൽകിയത് വളരെ കഷ്ടപ്പെട്ടാണ്. ബാക്കിയുള്ള കുട്ടികൾ എത്രത്തോളം കഷ്ടപ്പെടുമെന്ന് കരുതിയാണ് എംഎൽഎയെ വിളിക്കാൻ തീരുമാനിച്ചത്. മുകേഷ് എംഎൽഎ വിദ്യാർത്ഥികൾക്ക് ഫോൺ നൽകുന്ന കാര്യമൊക്കെ അറിഞ്ഞിരുന്നു. അതനുസരിച്ചാണ് അദ്ദേഹത്തെ വിളിച്ചത്. സിനിമാ നടനായതുകൊണ്ട് സഹായിക്കുമെന്നും കരുതി. ആറ് തവണ വിളിച്ചു. അതിനിടെ അദ്ദേഹത്തിന്റെ സൂം മീറ്റിംഗ് കട്ടായി. പിന്നീട് തിരിച്ചുവിളിക്കുകയാണുണ്ടായത്. ആറ് തവണ താൻ വിളിച്ചതുകൊണ്ടാണ് അദ്ദേഹം ദേഷ്യപ്പെട്ടത്. ആർക്കായാലും ദേഷ്യം വരും. തനിക്ക് പരാതിയില്ലെന്നും കുട്ടി പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കഴിഞ്ഞ ദിവസമാണ് മുകേഷും, വിദ്യാര്ത്ഥിയുമായുള്ള സംഭാഷണം പുറത്ത് വന്നത്. പരാതി പറയാന് വിളിച്ച വിദ്യാര്ത്ഥിയോട് എംഎല്എ മോശമായി സംസാരിച്ചുവെന്ന് ആരോപണം ഉയര്ന്നിരുന്നു. ഇതിനെതിരെ മുകേഷ് വിശദീകരണവുമായി രംഗത്ത് എത്തിയിരുന്നു.