മാധ്യമസ്വാതന്ത്രത്തിന് ഭീഷണിയായ രാഷ്ട്രത്തലവന്മാരുടെ പട്ടികയില്‍ പ്രധാനമന്ത്രി നരേന്ദ്രമോദിയും. മാധ്യമപ്രവര്‍ത്തകര്‍ക്കുവേണ്ടിയുളള അന്താരാഷ്ട്ര സംഘടനയായ റിപ്പോര്‍ട്ടേഴ്‌സ് വിത്തൗട്ട് ബോര്‍ഡേഴ്‌സ് എന്ന സംഘടനയാണ് ഈ റിപ്പോര്‍ട്ട് പുറത്തുവിട്ടത്. രണ്ട് വനിതാ നേതാക്കളുള്‍പ്പെടെ 37 ഭരണാധികാരികളാണ് ഈ പട്ടികയിലുളളത്.
പാക്കിസ്ഥാന്‍ പ്രധാനമന്ത്രി ഇമ്രാന്‍ ഖാന്‍, സൗദി അറേബ്യയിലെ കിരീടാവകാശി മുഹമ്മദ് ബിന്‍ സല്‍മാന്‍, ഉത്തരകൊറിയന്‍ നേതാവ് കിം ജോങ് ഉന്‍, മ്യാന്‍മറിന്റെ അട്ടിമറി നേതാവ് മിന്‍ ആംഗ് ഹേലിന്‍, ബ്രസീല്‍ പ്രസിഡന്റ് ജെയര്‍ ബോള്‍സനാരോ, ശ്രീലങ്കന്‍ പ്രസിഡന്റ് ഗോതബായ രാജപക്‌സ, ചൈനീസ് പ്രസിഡന്റ് ഷീ ജിന്‍ പിങ തുടങ്ങിയ നേതാക്കളാണ് പട്ടികയിലുളളത്. ബംഗ്ലാദേശ് പ്രധാനമന്ത്രി ഷെയ്ക്ക് ഹസീന, ഹോങ്കോങ് സ്‌പെഷല്‍ അഡ്മിനിസ്‌ട്രേറ്റീവ് പ്രദേശത്തിന്റെ സ്‌പെഷല്‍ എക്‌സിക്യൂട്ടീവ് കാരി ലാം എന്നിവരാണ് പട്ടികയിലുളള വനിതാ നേതാക്കള്‍.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
നരേന്ദ്രമോദി ഗുജറാത്തില്‍ മുഖ്യമന്ത്രിയായ കാലം മുതല്‍ മാധ്യമങ്ങളെ അടിച്ചമര്‍ത്താന്‍ ശ്രമിച്ചിരുന്നതായും ദേശീയതാവാദമുയര്‍ത്തിയും വന്‍ കിട വ്യവസായികള്‍ വഴിയും മാധ്യമങ്ങളെ സ്വാധീനിക്കാന്‍ മോദി ശ്രമിക്കുന്നതായും റിപ്പോര്‍ട്ടില്‍ പറയുന്നു. വിമര്‍ശിക്കുന്ന മാധ്യമപ്രവര്‍ത്തകര്‍ക്ക് ജോലി നഷ്ടമാവുന്ന അവസ്ഥയാണ് ഇന്ത്യയിലെന്നും നരേന്ദ്രമോദി വിമര്‍ശിക്കുന്നവരെ രാജ്യദ്രോഹികളായി മുദ്രകുത്തി ജയിലിലടക്കുന്നതായും റിപ്പോര്‍ട്ടില്‍ വ്യക്തമാക്കുന്നു.
