ലഖ്നൌ: ഉത്തര്പ്രദേശില് ജനസംഖ്യാ നിയന്ത്രണ നിയവുമായി യോഗി ആദിത്യനാഥ്. നിയമം നിലവില് വന്നാല് രണ്ടില് കൂടുതല് കുട്ടികള് ഉള്ള കുടുംബങ്ങള്ക്ക് സര്ക്കാര് പദ്ധതികളില് അടക്കം നിയന്ത്രണം ഏര്പ്പെടുത്തും. എന്നാല് രണ്ട് കുട്ടികള് മാത്രമുള്ള കുടുംബങ്ങള്ക്ക് ഏറെ ആനുകൂല്യങ്ങളും നിയമം ഉറപ്പ് നല്കുന്നു. ജനസംഖ്യാ നിയന്ത്രണം ലക്ഷ്യമിട്ടുള്ള ബില്ലിന്റെ ആദ്യ കരട് ഉത്തർപ്രദേശ് സ്റ്റേറ്റ് ലോ കമ്മീഷൻ പുറത്തിറക്കി.
രണ്ടില് കൂടുതല് കുട്ടികള് ഉണ്ടാകുന്നവര്ക്ക് സര്ക്കാര് പദ്ധതികളില് നിന്നുള്ള ആനുകൂല്യം കുറയും. ഒപ്പം റേഷന് കാര്ഡില് പരമാവധി നാല് യൂണിറ്റ് മാത്രമേ അനുവദിക്കൂ. രണ്ടില് കൂടുതല് കുട്ടികള് ഉള്ളവര്ക്ക് തദ്ദേശ തെരഞ്ഞെടുപ്പില് മത്സരിക്കാനോ, സര്ക്കാര് ജോലികളില് അപേക്ഷിക്കാനോ സാധിക്കില്ല. എന്നാല് മാനദണ്ഡം പാലിക്കുന്ന ദമ്പതികൾക്ക് വെള്ളം, വൈദ്യുതി, വെള്ളം, വീട്ടുനികുതി തുടങ്ങിയ കാര്യങ്ങളില് ഇളവുകള് അനുവദിക്കുമെന്നാണ് കരട് നിയമത്തില് വ്യക്തമാക്കുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, ആനുകൂല്യങ്ങള് കൈപറ്റിയ ശേഷം നിയമം പാലിക്കാതിരുന്നാല് അയാളില് നിന്നും കൈപറ്റിയ ആനുകൂല്യങ്ങള് തിരിച്ചുപിടിക്കാനും നിയമത്തില് വ്യവസ്ഥയുണ്ട്. നിയമത്തിന്റെ കരടില് വരുന്ന നിര്ദേശങ്ങളും കൂട്ടിച്ചേര്ത്ത് ഓഗസ്റ്റോടെ നിയമം സര്ക്കാറിന് സമര്പ്പിക്കുമെന്നാണ് ഉത്തര്പ്രദേശ് നിയമ കമ്മീഷന് അദ്ധ്യക്ഷന് എ.എന്. മിത്തല് വ്യക്തമാക്കിയത്.