രാത്രി 11 മണിയോടെ ഭാര്യ, മക്കള്, നിയമോപദേശകര് ഉദ്യോഗസ്ഥര് എന്നിവര്ക്കൊപ്പം പ്രത്യേക വിമാനത്തിലാണ് താരം റിയാദിലെത്തിയത്. എന്നാല് റൊണാള്ഡോയെ കാണാന് മാധ്യമങ്ങൾക്കോ ആരാധകർക്കോ അനുവാദം ലഭിച്ചിരുന്നില്ല. അതേസമയം, മര്സൂല് പാര്ക്കില് വന്സ്വീകരണമാണ് സൗദി സ്പോര്ട്സ്, അല് നസര് ക്ലബ് അധികൃതര് റൊണാള്ഡോയ്ക്ക് ഒരുക്കിയിരിക്കുന്നത്.
ഏഴാം നമ്പർ ജേഴ്സിയും കയ്യിലേന്തിയുള്ള റൊണാള്ഡോയുടെ ചിത്രം അല് നസര് ട്വീറ്റ് ചെയ്തു.റൊണാള്ഡോയുടെ വരവ് ക്ലബിന് മാത്രമല്ല, രാജ്യത്തെ യുവതലമുറയ്ക്കും പ്രചോദനമാകുമെന്നാണ് അല് നസറിന്റെ ഔദ്യോഗിക വെബ് സൈറ്റില് കുറിച്ചിരിക്കുന്നത്.