ചെന്നൈ: അവാര്ഡ് ഷോയ്ക്കിടെ ഭാര്യയോട് തമിഴില് സംസാരിക്കാന് ആവശ്യപ്പെട്ട് സംഗീതസംവിധായകന് എ ആര് റഹ്മാന്. ആനന്ദവികടന് സിനിമാ അവാര്ഡ്സിനിടെയാണ് എ ആര് റഹ്മാന് ഭാര്യയോട് ഹിന്ദിയില് സംസാരിക്കാതെ തമിഴില് സംസാരിക്കാന് ആവശ്യപ്പെട്ടത്. മികച്ച പിന്നണിഗായകനുളള അവാര്ഡ് വാങ്ങാനായി വേദിയിലെത്തിയ എ ആര് റഹ്മാന് ഭാര്യ സൈറ ബാനുവിനെ വേദിയിലേക്ക് ക്ഷണിക്കുകയായിരുന്നു. വെന്ത് തനിന്തത് കാട് എന്ന സിനിമയിലെ ഗാനത്തിനാണ് റഹ്മാന് അവാര്ഡ് ലഭിച്ചത്. ഈ അവാര്ഡ് അദ്ദേഹം ഭാര്യയ്ക്ക് സമര്പ്പിച്ചു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
എനിക്ക് എന്റെ ഇന്റര്വ്യൂകള് അധികം കാണുന്നത് ഇഷ്ടമല്ല. പക്ഷെ ഭാര്യ നിരന്തരം വീഡിയോകള് കണ്ടുകൊണ്ടിരിക്കും. അവര്ക്ക് എന്റെ ശബ്ദത്തോടുളള ഇഷ്ടംകൊണ്ടാണ് അങ്ങനെ ചെയ്യുന്നത് എന്നാണ് എ ആര് റഹ്മാന് വേദിയില് പറഞ്ഞത്. ഇതിനുളള പ്രതികരണം അവതാരകര് സൈറയോട് ചോദിച്ചു. അവര് മറുപടി പറയാനൊരുങ്ങുന്നതിനിടെയാണ് ഹിന്ദിയില് സംസാരിക്കാതെ തമിഴില് സംസാരിക്കൂ എന്ന് എ ആര് റഹ്മാന് പറഞ്ഞത്.
ഇതിന്, ക്ഷമിക്കണം. എനിക്ക് തമിഴ് നല്ലതുപോലെ സംസാരിക്കാന് അറിയില്ലെന്ന് സൈറ ഇംഗ്ലീഷില് മറുപടി പറഞ്ഞു. തുടര്ന്ന് അവര് ഇംഗ്ലീഷിലാണ് സംസാരിച്ചത്. എ ആര് റഹ്മാന്റെ ശബ്ദമാണ് തനിക്ക് ഏറ്റവും പ്രിയപ്പെട്ടതെന്നും സൈറ ബാനു പറഞ്ഞു.