കൊച്ചി: ലോകത്തില്‍ ആദ്യമായി ആദിവാസികൾ മാത്രം അഭിനയിക്കുന്ന 'ധബാരി ക്യൂരുവി' എന്ന സിനിമ ജനുവരി അഞ്ചിന് റിലീസ് ചെയ്യും. ദേശീയ പുരസ്കാര ജേതാവ് പ്രിയനന്ദനൻ സംവിധാനം ചെയ്ത സിനിമ പൂര്‍ണ്ണമായും ഇരുള ഭാഷയിലാണ്. അട്ടപ്പാടിയിലും പരിസര പ്രദേശങ്ങളിലുമായാണ് ചിതീകരണം പൂര്‍ത്തിയാക്കിയത്. നിലവില്‍ യുഎസിലെ ഓസ്റ്റിൻ, ഇന്ത്യൻ പനോരമ, ഐഎഫ്എഫ്കെ തുടങ്ങി ഏഴു ഫെസ്റ്റിവലുകളിൽ സിനിമ പ്രദര്‍ശിപ്പിച്ചു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ആദിവാസി പെണ്‍കുട്ടികളുടെ അതിജീവനമാണ്‌ സിനിമയുടെ പ്രമേയം. ചിത്രത്തില്‍ മൂന്ന് പാട്ടുകളുണ്ട്. അതില്‍ രണ്ടണ്ണം പാടിയിരിക്കുന്നത് സിനിമയിലെ നായികയായ മീനാക്ഷിയാണ്. ശ്യാമിനി, അനുപ്രശോഭിനി, നഞ്ചിയമ്മ, മുരുകി, മല്ലിക, ഗോക്രി ഗോപാലകൃഷ്ണൻ, മുരുകൻ, കൃഷ്ണദാസ് തുടങ്ങിയവരാണ് സിനിമയിലെ മറ്റ് പ്രധാന കഥാപാത്രങ്ങളെ അവതരിപ്പിച്ചത്. അജിത് വിനായക ഫിലിംസ് പ്രൈവറ്റ് ലിമിറ്റഡ്, ഐവാസ് വിഷ്വൽ മാജിക്‌ എന്നീ ബാനറുകളിലാണ് സിനിമ നിർമ്മിച്ചിരിക്കുന്നത്.
