കണ്ണൂര്: രാമനാട്ടുകര സ്വര്ണക്കടത്ത് പ്രതി അര്ജുന് ആയങ്കിയുടെ സുഹൃത്ത് റമീസ് വാഹനാപകടത്തില് മരിച്ചു. കസ്റ്റംസ് ചോദ്യം ചെയ്യാന് ഇരിക്കെയാണ് റമീസ് അപകടത്തില്പ്പെട്ടത്. ഇന്നലെ ഹാജരാകാന് നോട്ടീസ് നല്കിയിരുന്നു. എന്നാല് ചോദ്യം ചെയ്യലിന് എത്തിയിരുന്നില്ല. റമീസ് ഓടിച്ച ബൈക്ക് കാറില് ഇടിച്ചാണ് അപകടമുണ്ടായിരിക്കുന്നത്. അര്ജുന് ആയങ്കിയുടെ ബൈക്കാണ് റമീസ് ഉപയോഗിച്ചിരുന്നത്. കണ്ണൂര് അഴീക്കോട് വെച്ചാണ് അപകടമുണ്ടായത്.
സ്വര്ണം തട്ടിയെടുക്കാനെത്തിയ സംഘത്തില് റമീസുമുണ്ടായിരുന്നു. കഴിഞ്ഞ ദിവസം റമീസിന്റെ വീട്ടില് കസ്റ്റംസ് പരിശോധന നടത്തിയിരുന്നു. റമീസിനോടൊപ്പം സുഹൃത്ത് പ്രവീണിനോടും ചോദ്യം ചെയ്യലിന് ഹാജരാകാന് ആവശ്യപ്പെട്ടിരുന്നു. അര്ജുന് ആയങ്കിക്കെതിരെ കൂടുതല് തെളിവുകള് ശേഖരിക്കുന്നതിനിടയില് സുഹൃത്ത് മരിച്ചത് ദുരൂഹത കൂട്ടുന്നുവെന്നും കസ്റ്റംസ് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, അര്ജുന് ആയങ്കിയുടെ ജാമ്യാപേക്ഷ കോടതി തള്ളി. കൊച്ചിയിലെ സാമ്പത്തിക കുറ്റാന്വേഷണ കോടതിയാണ് കേസ് പരിഗണിച്ചത്. എന്നാല് കേസിലെ മൂന്നാം പ്രതി അജ്മലിന് കോടതി ജാമ്യം അനുവദിച്ചു.