കൊച്ചി: സിനിമാ റിവ്യൂകള്ക്ക് നിയന്ത്രണമേര്പ്പെടുത്തിയേക്കും. സിനിമാ നിര്മ്മാതാക്കളുടെയും തിയറ്റര് ഉടമകളുടെയും സംഘടനകള് ഇന്ന് ചേരുന്ന യോഗത്തില് വിഷയം ചര്ച്ച ചെയ്യും. കൊച്ചി ഫിലിം ചേമ്പര് ഓഫ് കൊമേഴ്സിലാണ് യോഗം ചേരുന്നത്. സിനിമകളുടെ ഇടവേള സമയത്ത് ഓണ്ലൈന് ചാനലുകാരുള്പ്പെടെ വന്ന് പ്രേക്ഷകരോട് റിവ്യൂ ചോദിക്കുന്നതിനെ പൂര്ണമായും വിലക്കാനാണ് തിയറ്റര് ഉടമകളുടെയും നിര്മ്മാതാക്കളുടെയും സംഘടനകള് ആലോചിക്കുന്നത്. സിനിമ മുഴുവനായും കണ്ടുകഴിയുന്നതിനുമുന്പേ തന്നെ റിവ്യൂ എടുക്കുന്നത് സിനിമയെ മോശമായി ബാധിക്കുന്നു എന്നാണ് സംഘടനകളുടെ വിലയിരുത്തല്.
അടുത്തിടെ നിരവധി സംവിധായകരും നിര്മ്മാതാക്കളും നടന്മാരും സിനിമ കഴിയുന്നതിനുമുന്പേ തന്നെ റിവ്യൂ എടുക്കുന്നതിനെതിരെ രംഗത്തെത്തിയിരുന്നു. ഇത്തരത്തില് റിവ്യൂ എടുക്കുന്നത് ചിത്രത്തെ മോശമായി ബാധിക്കുമെന്നും ഇവരെ തിയറ്ററുകളില്നിന്ന് വിലക്കാന് തിയറ്റര് ഉടമകള് തയാറാവണമെന്നും ആവശ്യമുയര്ന്നിരുന്നു. ഈ പശ്ചാത്തലത്തിലാണ് തിയറ്റര് ഉടമകളുടെയും നിര്മ്മാതാക്കളുടെയും സംഘടനകള് യോഗം ചേരുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
തിയറ്ററുകളില് റിലീസ് ചെയ്ത സിനിമകള് ഒടിടി പ്ലാറ്റ്ഫോമുകള്ക്ക് നല്കുന്നതിന്റെ കാലാവധി 45 ദിവസമാക്കുന്നതും യോഗത്തില് ചര്ച്ച ചെയ്യും. നിലവില് റിലീസ് ചെയ്ത് മുപ്പതുദിവസങ്ങള്ക്കുളളിലാണ് സിനിമകള് ഒടിടിക്ക് വിടുന്നത്.