തിരുവനന്തപുരം: ജസ്റ്റിസ് സയ്യിദ് അബ്ദുള്‍ നസീറിനെ ആന്ധ്രപ്രദേശ് ഗവര്‍ണറായി നിയമിച്ചതിനെതിരെ വിമര്‍ശനവുമായി എ എ റഹീം എംപി. അബ്ദുള്‍ നസീറിനെ ഗവര്‍ണറായി നിയമിക്കാനുളള തീരുമാനം അങ്ങേയറ്റം അപലപനീയമാണെന്നും കേന്ദ്രസര്‍ക്കാരിന്റെ നീക്കം ഭരണഘടനാപരമായ മൂല്യങ്ങള്‍ക്ക് ചേര്‍ന്നതല്ലെന്നും എ എ റഹീം പറഞ്ഞു. നിയമവ്യവസ്ഥയിലുളള വിശ്വാസം രാജ്യത്തിന് നഷ്ടമാകരുതെന്നും മോദി സര്‍ക്കാരിന്റെ ഇത്തരം തീരുമാനങ്ങള്‍ ഇന്ത്യന്‍ ജനാധിപത്യത്തിന് കളങ്കമാണെന്നും അദ്ദേഹം ഫേസ്ബുക്കില്‍ പങ്കുവെച്ച കുറിപ്പില്‍ പറയുന്നു.
'ജസ്റ്റിസ് സയ്യിദ് അബ്ദുള്‍ നസീര്‍ സുപ്രീംകോടതിയില്‍നിന്ന് വിരമിച്ചത് ഇക്കഴിഞ്ഞ ജനുവരി നാലിന്. ഇന്നേക്ക് കഷ്ടിച്ച് വെറും ആറ് ആഴ്ച്ച മാത്രമാകുന്നു. അദ്ദേഹത്തെ ആന്ധ്രപ്രദേശ് ഗവര്‍ണറായി നിയമിച്ചു. അയോധ്യ കേസില്‍ അന്തിമ വിധി പറഞ്ഞ ബെഞ്ചില്‍ അംഗമായിരുന്നു അദ്ദേഹം എന്നോര്‍ക്കണം. 2021 ഡിസംബര്‍ ഹൈദരാബാദില്‍ നടന്ന അഖില ഭാരതീയ അധിവക്ത പരിഷത്ത് നാഷണല്‍ കൗണ്‍സില്‍ മീറ്റിംഗില്‍ അദ്ദേഹം പങ്കെടുത്തത് വിവാദമായിരുന്നു. സംഘപരിവാറിന്റെ അഭിഭാഷക സംഘടനയാണത്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
അന്നത്തെ പ്രസംഗത്തില്‍ 'ഇന്ത്യന്‍ നിയമവ്യവസ്ഥ മനുസ്മൃതിയുടെ മഹത്തായ പാരമ്പര്യം തുടര്‍ച്ചയായി അവഗണിക്കുകയാണ് എന്ന് പറഞ്ഞയാളാണ് അബ്ദുള്‍ നസീര്‍. ഉന്നത നീതിപീഠത്തില്‍ സേവനമനുഷ്ടിക്കുന്ന ഒരു ന്യായാധിപന്‍ പുലര്‍ത്തേണ്ട ഉയര്‍ന്ന നിഷ്പക്ഷതയും ഭരണഘടനയോടുളള കൂറുമല്ല ആ വാക്കുകളിലുണ്ടായിരുന്നത്. അദ്ദേഹത്തിനാണ് ഇപ്പോള്‍ ഗവര്‍ണര്‍ പദവി ലഭിച്ചിരിക്കുന്നത്'- എ എ റഹീം ഫേസ്ബുക്കില്‍ കുറിച്ചു. രാഷ്ട്രപതി ദ്രൗപതി മുര്‍മ്മുവാണ് അബ്ദുള്‍ നസീറിനെ ആന്ധ്രപ്രദേശ് ഗവര്‍ണറായി നിയമിച്ചത്. മുത്തലാഖ്, നോട്ടുനിരോധനം തുടഹങ്ങിയ സുപ്രധാന കേസുകളില്‍ വിധി പറഞ്ഞ സുപ്രീംകോടതി ബെഞ്ചുകളില്‍ അബ്ദുള്‍ നാസറുണ്ടായിരുന്നു.
