തുർക്കി-സിറിയ ഭൂകമ്പ ബാധിതർക്ക് സഹായഹസ്തവുമായി സണ്ണി ലിയോണും ഭർത്താവ് ഡാനിയേൽ വെബ്ബറും. ഫെബ്രുവരിയില് തങ്ങളുടെ കോസ്മെറ്റിക് ബ്രാന്ഡുകളില്നിന്നും ലഭിക്കുന്ന വരുമാനത്തിന്റെ പത്ത് ശതമാനം ദുരിത ബാധിതർക്ക് നൽകാനാണ് സണ്ണിയുടേയും ഭർത്താവിന്റേയും തീരുമാനം. തുർക്കിയിലേയും സിറിയയിലേയും ദുരിത ബാധിതർക്ക് സഹായഹസ്തം പ്രഖ്യാപിക്കുന്ന ഇന്ത്യയിലെ ആദ്യത്തെ സെലിബ്രിറ്റിയാണ് സണ്ണി ലിയോൺ. സണ്ണിയുടെ മാതൃക ഇന്ത്യയിലെ കോടീശ്വരന്മാരായ സെലിബ്രിറ്റികൾ പിന്തുടരട്ടേയെന്നാണ് ആരാധകർ പറയുന്നത്.
ദുരിതബാധിതരെ സഹായിക്കുക എന്നത് എല്ലാ മനുഷ്യരുടേയും കടമയാണെന്നും മടികൂടാതെ അതിന് മുന്നിട്ടിറങ്ങണമെന്നും സണ്ണി ലിയോണ് പറഞ്ഞു. ഭൂകമ്പത്തെത്തുടർന്ന് ദുരിതമനുഭവിക്കുന്നവരെ സഹായിക്കണമെന്ന് നടിയും യുണിസെഫ് ഗുഡ്വിൽ അംബാസിഡറുമായ പ്രിയങ്ക ചോപ്രയും അഭ്യർത്ഥിച്ചിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
നാല്പ്പതിനായിരത്തോളം പേരാണ് തുർക്കിയിലും സിറിയയിലും ഉണ്ടായ ഭൂകമ്പത്തിൽ കൊല്ലപ്പെട്ടത്. ലക്ഷക്കണക്കിനു പേർ പാർപ്പിടവും ജീവിത മാർഗങ്ങളും ഇല്ലാതായി ദുരിതാശ്വാസ ക്യാമ്പുകളില് കഴിയുകയാണ്.