കൊച്ചി: തൃപ്പൂണിത്തുറ സ്ഫോടനത്തില് വീടുകള്ക്ക് നാശനഷ്ടം സംഭവിച്ച പ്രദേശവാസികള് ഹൈക്കോടതിയിലേക്ക്. നഷ്ട പരിഹാരം കണക്കാക്കാന് ഒരു പ്രത്യേക സമിതിയെ നിയമിക്കണമെന്നാണ് ആളുകളുടെ ആവശ്യം. ഈ വെടിക്കെട്ട് അപകടത്തിന് ഉത്തരവാദികളായവര് നഷ്ട്പരിഹാരം നല്കണമെന്നും ഇല്ലെങ്കില് നിയമ നടപടികളിലേക്ക് നീങ്ങുമെന്നും ആക്ഷന് കൗണ്സില് അംഗം ആര് ദാസ് അറിയിച്ചു.
'ഒരു കമ്മീഷനെ നിയമിക്കണം, അവര് ഇവിടെ തെളിവെടുപ്പ് നടത്തി നഷ്ടപരിഹാരം കണക്കാക്കണം. വെടിക്കെട്ടിന് ആരാണ് ഉത്തരവാദിയെന്ന് ഇന്നും വ്യക്തമല്ല. ലൈസന്സ് ഇല്ലെന്ന കാരണത്താല് പോലീസ് കൈയൊഴിഞ്ഞു. നിയമപരമായിട്ടല്ല വെടിക്കെട്ട് പുര പ്രവര്ത്തിച്ചതെന്നാണ് സര്ക്കാറിന്റെ വാദം. അപകടം നടന്ന് മൂന്ന് ദിവസമായിട്ടും നഷ്ടപരിഹാരത്തിന്റെ കാര്യത്തില് വ്യക്തത വന്നിട്ടില്ല. വീടുകള് സന്നദ്ധ സംഘടനകള് ചേര്ന്ന് വൃത്തിയാക്കി തന്നു. പഴയപടി താമസിക്കാന് കഴിയില്ല. എത്രയും പെട്ടന്ന് നഷ്ടപരിഹാരം നല്കി പഴയ രീതിയില് ജീവിക്കണം - ആര് ദാസ് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, സ്ഫോടനത്തില് മജിസ്റ്റീരിയല് അന്വേഷണം വേണമെന്ന് ജില്ലാ ഭരണകൂടം ആവശ്യപ്പെട്ടു. സബ് കളക്ടര് കെ മീരയുടെ നേതൃത്വത്തിലായിരിക്കും അന്വേഷണം. സ്ഫോടനത്തില് അറസ്റ്റിലായ നാലു പേരെയും പോലീസ് റിമാന്ഡ് ചെയ്തിരുന്നു. സ്ഫോടനത്തില് പരിക്കേറ്റ് ഗുരുതര നിലയിലായിരുന്ന ഒരാള് കൂടി മരിച്ചു.