കേന്ദ്ര ഉപരിതല ഗതാഗത മന്ത്രാലയത്തിന്റെ നിയന്ത്രണങ്ങളാൽ സ്ഥിരം രജിസ്ട്രേഷൻ നേടാൻ സാധിക്കാത്ത ബി.എസ് 4 വാഹനങ്ങൾക്ക് രജിസ്റ്റർ ചെയ്യാൻ അവസരം. സുപ്രീംകോടതിയുടെ ഉത്തരവ് പ്രകാരം മാർച്ച് 3-ന് മുമ്പ് താൽക്കാലിക രജിസ്ട്രേഷൻ നേടുകയും എന്നാൽ സ്ഥിരം രജിസ്ട്രേഷൻ പൂർത്തീകരിക്കാൻ സാധിക്കാത്തതുമായ ബി.എസ് 4 വാഹനങ്ങൾക്കാണ് സ്ഥിരം രജിസ്ട്രേഷൻ നേടാൻ അവസരം. പൊതുജനങ്ങൾ അവസരം വിനിയോഗിക്കണമെന്ന് ട്രാൻസ്പോർട്ട് കമ്മീഷണർ അറിയിച്ചു.
2020 മാര്ച്ച് 31നുശേഷം പുതിയ മലിനീകരണ മാനദണ്ഡമായ ബി.എസ് 6 പാലിക്കുന്ന വാഹനങ്ങള്മാത്രമേ വില്ക്കാനും രജിസ്റ്റര് ചെയ്യാനും അനുമതിയുള്ളൂ. മാര്ച്ച് 31നുശേഷം വിറ്റ ബി.എസ് 4 വാഹനങ്ങള് രജിസ്റ്റര് ചെയ്യാനാവില്ലെന്ന് സുപ്രീംകോടതി വ്യക്തമാക്കിയിട്ടുണ്ട്.
രാജ്യത്ത് വാഹന എഞ്ചിനില് നിന്നും ബഹിര്ഗമിക്കുന്ന മലിനീകരണ വായുവിന്റെ അളവ് നിയന്ത്രിക്കുന്നതിന് കേന്ദ്ര സര്ക്കാര് ഏര്പ്പെടുത്തിയിരിക്കുന്ന സംവിധാനമാണ് ഭാരത് സ്റ്റേജ് എമിഷന് സ്റ്റാന്ഡേഡ് (ബി.എസ്). പെട്രോള്-ഡീസല് വാഹനങ്ങള് പുറം തള്ളുന്ന പുകയില് അടങ്ങിയ കാര്ബണ് മോണോക്സൈഡ്, നൈട്രജന് ഓക്സൈഡ്, ഹൈഡ്രോ കാര്ബണ് തുടങ്ങിയ വിഷ പദാര്ഥങ്ങളുടെ അളവ് സംബന്ധിച്ച മാനദണ്ഡമാണ് ഇത്.