ആയുര്വേദ ഡോക്ടര്മാർക്ക് ശസ്ത്രക്രിയ നടത്തുന്നതിന് നിയമപരമായ അംഗീകാരം നല്കിയതിനെതിരെ ഇന്ത്യന് മെഡിക്കല് അസോസിയേഷന് ( ഐഎംഎ) രംഗത്ത്. ആയൂർവേദ ഡോക്ടർമാർക്ക് ശസ്ത്രക്രിയക്ക് പരിശീലനം നൽകില്ലെന്നും ആധുനിക വൈദ്യത്തെ പാരമ്പര്യരീതിയുമായി കൂട്ടിക്കുഴയ്ക്കരുതെന്നും ഐഎംഎ പ്രതികരിച്ചു.
ബിരുദാനന്തര ബിരുദമുള്ളവര്ക്ക് ഇ.എന്.ടി, എല്ല്, കണ്ണ്, പല്ല് തുടങ്ങിയവുമായി ബന്ധപ്പെട്ട ചികിത്സകള്ക്കായി പരിശീലനം നേടി 34 തരം ശസ്ത്രക്രിയ നടത്താം എന്നാണ് ഉത്തരവിലുള്ളത്. ശസ്ത്രക്രിയക്ക് സമാനമായ 19 ചികിത്സയ്ക്കും അനുമതി നല്കിയിട്ടുണ്ട്. ഇന്ത്യന് മെഡിസിന് സെന്ട്രല് കൗണ്സില് (പോസ്റ്റ് ഗ്രാജുവേറ്റ് ആയുര്വേദ എഡ്യുക്കേഷന്) റെഗുലേഷന് 2016ല് ഭേദഗതി വരുത്തിയാണ് കേന്ദ്രം ബിരുദാനന്തര ബിരുദ വിദ്യാര്ത്ഥികളുടെ പാഠ്യപദ്ധതിയില് സര്ജറി പഠനവും ഉള്പ്പെടുത്തുന്നത്.
എന്നാല്, ആയുർവേദ ഡോക്ടർമാർ വേണമെങ്കിൽ അവരുടേതായ ശസ്ത്രക്രിയാ രീതികൾ വികസിപ്പിക്കട്ടെ എന്നാണ് ഐഎംഎ-യുടെ നിലപാട്. അശാസ്ത്രീയ തീരുമാനത്തിനെതിരെ ശക്തമായ പോരാട്ടം നടത്തുമെന്നും ഐഎംഎ ദേശീയ പ്രസിഡന്റ് രാജൻ ശർമ്മ പ്രതികരിച്ചു.