തിരുവനന്തപുരം: പിന്‍വാതില്‍ നിയമനത്തില്‍ പ്രതിഷേധിച്ച് തിരുവനന്തപുരത്ത് പ്രതിഷേധം. സെക്രട്ടേറിയറ്റിനു മുന്നിലാണ് പിഎ്‌സി ലാസ്റ്റ് ഗ്രേഡ് ലിസ്റ്റിലുളളവര്‍ ദേഹത്ത് മണ്ണെണ്ണയൊഴിച്ച് പ്രതിഷേധിക്കുന്നത്. ദേഹത്ത് മണ്ണെണ്ണയൊഴിച്ചയാളെ പൊലീസ് സ്ഥലത്തുനിന്ന് മാറ്റിയിരുന്നു തുടര്‍ന്ന് മറ്റൊരാളും ശരീരത്തിലേക്ക് മണ്ണെണ്ണ ഒഴിക്കുകയായിരുന്നു. ദേഹത്ത് മണ്ണെണ്ണയൊഴിച്ച ഉദ്യോഗാര്‍ത്ഥികളെ ഫയര്‍ഫോഴ്സ് എത്തി മണ്ണെണ്ണ കഴുകിയ ശേഷം ആശുപത്രിയിലേക്ക് മാറ്റി. ആളുകളെ പ്രതിഷേധസ്ഥലത്തുനിന്ന് മാറ്റാനുളള ശ്രമങ്ങള്‍ നടക്കുകയാണ്.
അതേസമയം, പിന്‍വാതില്‍ നിയമനത്തില്‍ ഒത്താശ ചെയ്‌തെന്ന അവകാശവാദവുമായി സരിത നായര്‍. ആരോഗ്യകേരളം പദ്ധതിയില്‍ സരിതാ നായരുടെ ഒത്താശയോടെ നാലുപേര്‍ക്ക് ജോലി നല്‍കിയെന്ന് വ്യക്തമാക്കുന്ന ശബ്ദരേഖ പുറത്ത്. ജോലി ലഭിക്കുന്നവരും അവരുടെ കുടുംബവും പാര്‍ട്ടിക്കുവേണ്ടി പ്രവര്‍ത്തിക്കണമെന്ന ധാരണയിലാണ് ജോലി നല്‍കുന്നത് തുടങ്ങിയ വിവരങ്ങളാണ് ശബ്ദരേഖയില്‍ പറയുന്നത്.
